Manoj Jarange: మహారాష్ట్రలో మరాఠా రిజర్వేషన్ల ఉద్యమం కొనసాగిన సంగతి తెలిసిందే. ఈ ఉద్యమం తాజాగా ముగిసింది. వారి డిమాండ్లకు మహారాష్ట్ర ప్రభుత్వం అంగీకారం తెలపడంతో ఉద్యమం ముగిసింది. దీంతో ఉద్యమకారుడు మనోజ్‌ జరాంగే ఈరోజు ఉదయం 8 గంటలకు తన నిరసన దీక్షను విరమించారు. మరాఠాలకు విద్యా, ఉద్యోగాల్లో రిజర్వేషన్లు కల్పించాలని కోరుతూ మనోజ్‌ జరాంగే నేతృత్వంలో కొంతకాలంగా ఉద్యమం కొనసాగుతున్న విషయం తెలిసిందే. అయితే, వీరి డిమాండ్లను మహారాష్ట్ర సీఎం ఏక్‌నాథ్‌ షిండే ప్రభుత్వం పట్టించుకోలేదు. దీంతో ఆగ్రహించి తాడోపేడో తేల్చుకోవడానికి జరాంగే నేతృత్వంలో వేలమంది ముంబై దిశగా ర్యాలీ చేపట్టారు. అయినా ప్రభుత్వం పట్టించుకోలేదు. తాజాగా వీళ్లు జరాంగే డెడ్‌లైన్‌ విధించారు.
#WATCH | Maratha quota activist Manoj Jarange Patil to end his fast today in the presence of Maharashtra CM Eknath Shinde after the government accepted demands, in Navi Mumbai pic.twitter.com/ogLqes3wHL
— ANI (@ANI) January 27, 2024
ఇది కూడా చూడండి: Hrithik Roshan: అదరగొడుతున్న హృతిక్ రోషన్.. ‘ఫైటర్’ 2 డేస్ కలెక్షన్స్!
‘రిజర్వేషన్ల కోసం ఉద్యమం ఉద్ధృతంగా సాగుతున్నది. ర్యాలీ దాదాపు ముంబై దగ్గరికి వచ్చింది. ప్రస్తుతం ప్రభుత్వం చెప్పే మాటలు వినే పరిస్థితి లేదు. కాబట్టి ప్రభుత్వం ఈరోజు ఉదయం 11 గంటలలోపు అధికార ప్రకటన చేయాలి. లేకుంటే 12 గంటలకు కార్యాచరణ ప్రకటిస్తా. మా అడుగులు ముంబైలోని ఆజాద్‌ మైదాన్‌ దిశగానే పడుతాయి. ఒక్కసారి అడుగు పడిందంటే వెనక్కి తిరిగి చూసేది లేదు. మా డిమాండ్‌ను సాధించుకున్నాకే తిరిగి ఇంటికి వెళ్తాం’ అని జరాంగే ప్రభుత్వాన్ని హెచ్చరించారు. తిండి తినడం మానేశానని, కేవలం నీళ్లు తాగుతున్నానని.. తమ న్యాయబద్ధమైన డిమాండ్‌ను ప్రభుత్వం అర్థం చేసుకోవాలని సూచించారు. వీరి డెడ్‌లైన్‌కు దిగివచ్చిన మహా సర్కార్‌.. డిమాండ్లను నెరవేర్చేందుకు అంగీకరించడంతో దీక్షను విరమించారు.
ఇది కూడా చూడండి: Trivikram: త్రివిక్రమ్‌ని ఎవరూ నమ్మడం లేదా..?
