Firing on a family going to chhath puja bihar Lakhisarai district Two killed
బీహార్‌లోని లఖిసరాయ్ జిల్లా(Lakhisarai district)లో విషాదం చోటుచేసుకుంది. సోమవారం ఉదయం ఛత్ పూజ(chhath puja) వేడుకలు ముగించుకుని తిరిగి వస్తుండగా ఒక వ్యక్తి ఓ కుటుంబంపై కాల్పులు జరపాడు. ఈ ఘటనలో ఇద్దరు వ్యక్తులు మృత్యువాత చెందగా..వారి కుటుంబంలోని మరో నలుగురు సభ్యులు గాయపడ్డారు. అయితే అతనికి ఆ ఫ్యామిలీతో గల వ్యక్తిగత శత్రుత్వం కారణంగా ఈ కాల్పులు జరిపినట్లు తెలుస్తోంది.
జిల్లాలోని కబయ్యా పోలీస్ స్టేషన్ పరిధిలోని పంజాబీ మొహల్లా ప్రాంతంలో ఈ ఘటన చోటుచేసుకుంది. వారి ఇంటికి కూతవేటు దూరంలో ఈ ఘటన జరిగింది. ఛత్ పూజ వేడుకల్లో భాగంగా ఉదయిస్తున్న సూర్యుడికి ‘ఆరఘ్య’ సమర్పించి కుటుంబ సభ్యులు ఘాట్ నుంచి ఇంటికి తిరిగి వస్తున్నారు. ఆ క్రమంలో ఈ ఘటన చోటుచేసుకుంది. విషయం తెలుసుకున్న స్థానికులు క్షతగాత్రులను చికిత్స నిమిత్తం పాట్నా ఆస్పత్రికి తరలించారు. విషయం తెలుసుకున్న పోలీసులు(police) ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.
ఇది కూడా చూడండి: Bharatకు కార్గో షిప్‌..హైజాక్ చేసిన హౌతీ తిరుగుబాటుదారులు
