Indigo : ఒక్కోసారి ప్రయాణికుడు చేసే చిన్న తప్పిదం మొత్తం విమానాన్నే ప్రమాదంలో పడేస్తుంది. అందుకనే విమానంలో ప్రయాణించేప్పుడు పాసింజర్లు కచ్చితంగా కొన్ని నిబంధనలను పాటించాల్సి ఉంటుంది. అందుకు విరుద్ధంగా ప్రవర్తించి కటకటాలు పాలయ్యాడో ప్రబుద్ధుడు. ఈనెల 26వ తేదీన దిల్లీ విమానాశ్రయం నుంచి ఓ ఇండిగో విమానం టేకాఫ్‌ అయ్యింది. అది ముంబయి( Mumbai ) ఎయిర్‌పోర్ట్‌లో ల్యాండ్‌ అవ్వాల్సి ఉంది.
చదవండి : జియో ఛార్జీలు 27 శాతం వరకు పెంపు.. ఆ బాటలోనే ఎయిర్‌టెల్‌
విమానం ల్యాండ్‌ కావడానికి 50 నిమిషాల ముందు ఓ ప్రయాణికుడు(Passenger) వాష్‌ రూంలోకి(Lavatory ) వెళ్లాడు. అతడి పేరు ఖలీజ్‌ కాజమ్మల్‌ ఖాన్‌. వయసు 36. అక్కడ సిగరెట్‌ వెలిగించుకుని దాన్ని కాల్చాడు. విమానంలో స్మోక్‌ సెన్సార్లు మోగాయి. దీంతో అతడు బయటకు వచ్చిన వెంటనే టాయిలెట్‌ని విమాన సిబ్బంది తనిఖీ చేశారు. అక్కడ సిగరెట్‌ స్టబ్‌, అగ్గిపుల్ల కనిపించాయి.
చదవండి : అమెరికాలో నాలుగింతలు పెరిగిన తెలుగువారు!
దీంతో ఈ విషయాన్ని విమాన సిబ్బంది ఉన్నత అధికారుల దృష్టికి తీసుకు వెళ్లారు. క్యాబిన్‌ క్రూ అతడిని ప్రశ్నించగా సిగరెట్‌ తాగినట్లు ఒప్పుకున్నాడు. విమానం ముంబయి ఎయిర్‌పోర్ట్‌లో ల్యాండ్‌ అయ్యింది. తర్వాత అతడిని సహర్‌ పోలీస్‌ స్టేషన్‌కి పంపించారు. ఇండిగో(Indigo) సిబ్బంది ఫిర్యాదుతో పోలీసులు అతడిని ఎయిర్‌ క్రాఫ్ట్‌ రూల్స్‌ క్రాస్‌ చేసినందుకు గాని అరెస్టు చేశారు. కేసు నమోదు చేశారు.
