Vijayendra Prasad: మహేష్‌, రాజమౌళి సినిమాకు ముహూర్తం పెట్టిన విజయేంద్ర ప్రసాద్!

ట్రిపుల్ ఆర్‌(RRR)తో ఆస్కార్ లెవల్‌కి వెళ్లిన దర్శక దీరుడు రాజమౌళి(Rajamouli).. ఈ సారి ఆస్కార్ టార్గెట్‌గా మహేష్ బాబు(Mahesh babu) సినిమాను ప్లాన్ చేస్తున్నాడు. ఇప్పటికే గ్లోబ్ ట్రాటింగ్ యాక్షన్ అడ్వెంచర్ మూవీ అని ప్రకటించేశాడు జక్కన్న. ఆఫ్రికన్‌ ఫారెస్ట్ బ్యాక్ డ్రాప్‌లో.. హాలీవుడ్‌(Hollywood) టెక్నాలజీ అండ్ అక్కడి స్టార్స్‌తో ఈ ప్రాజెక్ట్ రాబోతోంది. ఇప్పటికే కొన్ని హాలీవుడ్ బడా ఏజెన్సీలతో ఒప్పందం చేసుకున్నాడు రాజమౌళి. దాదాపు వెయ్యి కోట్ల బడ్జెట్‌తో ఈ సినిమాను తెరకెక్కించబోతున్నారు. ఇండియానా జోన్స్ రేంజ్‌లో ఈ ప్రాజెక్ట్ రాబోతోంది. అయితే అసలు ఈ సినిమా ఎప్పుడు స్టార్ట్ అవుతుంది? ఎప్పుడు రిలీజ్ అవుతుంది? అనే విషయాల్లో ఎవరికీ క్లారిటీ లేదు. ఎందుకంటే.. రాజమౌళి నుంచి సినిమా రావడం అంటే.. రెండు, మూడేళ్లు ఎదురు చూడాల్సిందే.

ఈ లెక్కన మహేష్‌ బాబు సినిమా 2025, 2026లో థియేటర్లోకి వచ్చే ఛాన్స్ ఉంది. అయితే ఈ సినిమా షూటింగ్‌ను ఎప్పుడు మొదలు పెట్టబోతున్నారనే విషయంలో.. తాజాగా ఓ క్లారిటీ వచ్చేసింది. ఈ సినిమాకు కథ అందిస్తున్న రాజమౌళి తండ్రి, రచయిత విజయేంద్రప్రసాద్‌.. తాజాగా ఓ ఇంట్రెస్టింగ్ అప్డేట్ ఇచ్చాడు. ప్రస్తుతం ప్రీ ప్రొడక్షన్స్‌ వర్క్‌ జరుగుతోంది.. ఈ ఏడాది చివరలో లేదా వచ్చే సంవత్సరం ఆరంభంలో ఈ సినిమా సెట్స్‌ మీదకు వెళ్లే అవకాశం ఉందని అన్నారు. అయితే ఈ సినిమా అఫిషీయల్ అనౌన్స్మెంట్ మాత్రం ఆగష్టులో ఉంటుందని అంటున్నారు. ఆ తర్వాత కొన్ని రోజులు వర్క్ షాప్ నిర్వహించి.. విజయేంద్ర ప్రసాద్ చెప్పిన సమయానికి.. రెగ్యూలర్ షూటింగ్ స్టార్ట్ చేయనున్నారు. అప్పటి వరకు త్రివిక్రమ్ దర్శకత్వంలో మహేష్‌ బాబు చేస్తున్న ఎస్ఎస్ఎంబీ 28 కంప్లీట్ అయిపోతుంది. ఏదేమైనా.. రాజమౌళి, మహేష్ ప్రాజెక్ట్ కోసం వెయ్యి కళ్లతో ఎదురు చూస్తున్నారు ఘట్టమనేని అభిమానులు.