Trivikram movie plan with Ram Pothineni
రామ్ పోతినేని(Ram Pothineni) వరుస సినిమాలతో దూసుకుపోతున్న సంగతి తెలిసిందే. మరోవైపు త్రివిక్రమ్ శ్రీనివాస్(Trivikram srinivas) కూడా భారీ ప్రాజెక్ట్స్ చేస్తున్నాడు. ప్రస్తుతం మహేష్ బాబు గుంటూరు కారంతో బిజీగా ఉన్నాడు మాటల మాంత్రికుడు. సంక్రాంతి కానుకగా జనవరి 12న గుంటూరు కారం రిలీజ్ కానుంది. ఈ సినిమా తర్వాత నాలుగోసారి ఐకాన్ స్టార్ అల్లు అర్జున్‌తో భారీ ప్రాజెక్ట్ చేయబోతున్నాడు. ఇప్పటికే అనౌన్స్మెంట్ కూడా ఇచ్చేశారు. ఈ సినిమాతోనే పాన్ ఇండియా మార్కెట్‌లోకి అడుగు పెడుతున్నాడు త్రివిక్రమ్. ఆ తర్వాత యంగ్ టైగర్ ఎన్టీఆర్‌తో ఓ భారీ పీరియాడికల్ ప్రాజెక్ట్ చేయబోతున్నాడు.
మరి రామ్‌తో త్రివిక్రమ్ ఎప్పుడు సినిమా చేస్తాడు? అనేదే అందరి డౌట్. కానీ ఫ్యూచర్లో ఖచ్చితంగా రామ్‌తో త్రివిక్రమ్ సినిమా ఉంటుంది. ఎందుకంటే.. ఈ కాంబినేషన్ గురించి చెప్పింది స్రవంతి రవికిషోర్ కాబట్టి. ప్రముఖ నిర్మాత స్రవంతి రవి కిశోర్ తమ్ముడు మురళి పోతినేని కుమారుడే రామ్ పోతినేని. రామ్‌కు స్రవంతి రవికిషోర్ పెద్దనాన్న వరుస అవుతారు. ఈయనే త్రివిక్రమ్‌కు దర్శకుడిగా ఫస్ట్ ఛాన్స్ ఇచ్చారు. తరుణ్, శ్రియ జంటగా తెరకెక్కిన ‘నువ్వే నువ్వే’ సినిమాతో డైరెక్టర్‌గా వెనక్కి తిరిగి చూసుకోలేదు త్రివిక్రమ్(Trivikram srinivas). అయితే.. తాజాగా స్రవంతి రవి కిషోర్ నిర్మించిన ‘దీపావళి’ చిత్రం ఈనెల 11న విడుదలవుతోంది.
ఈ నేపథ్యంలో స్రవంతి రవి కిషోర్(sravanthi ravi kishore) మీడియాతో ముచ్చటిస్తూ ఆసక్తికర విషయాలు పంచుకున్నారు. త్రివిక్రమ్‌తో మళ్ళీ ఎప్పుడు సినిమా చేస్తారు? రామ్ హీరోగా చేస్తారా? అని అడగ్గా.. ‘త్రివిక్రమ్ దర్శకత్వంలో రామ్ హీరోగా ఓ సినిమా చేయాలని నాకు కూడా ఉంది. కానీ ముందు తన కమిట్మెంట్స్ చూసుకోవాలి. రామ్ హీరోగా చేస్తే ఈ స్క్రిప్ట్ బాగుంటుందని అతను అనుకోవాలి’ అని అన్నారు. కాబట్టి.. స్రవంతి రవికిషోర్ అడగాలే గానీ.. త్రివిక్రమ్ కాదనే ఛాన్స్ లేదు. మరి ఈ క్రేజీ కాంబో ఎప్పుడు వర్కౌట్ అవుతుందో చూడాలి.
ఇది కూడా చూడండి: Balayyaపై ఆ హీరోయిన్ షాకింగ్ కామెంట్స్!
