Trisha Dual Role in Megastar Chiranjeevi Vishwambhara?
Vishwambhara: మెగాస్టార్ చిరంజీవి(Megastar Chiranjeevi) హీరోగా తెరకెక్కుతున్న తాజా చిత్రం విశ్వంభర. యూవీ క్రియేషన్స్ బ్యానర్ పై యువ దర్శకుడు వశిష్ట భారీ బడ్జెట్‌తో తెరకెక్కిస్తున్నారు. సోషియో ఫాంటసీ నేపథ్యంలో రూపొందుతున్న ఈ చిత్రంపై అభిమానులకు మంచి అంచనాలు ఉన్నాయి. చిరంజీవి దొరబాబు అనే పాత్రలో కనిపించనున్నట్టు సమాచారం. అదేవిధంగా హీరోయిన్‌గా నటిస్తున్న త్రిష ద్విపాత్రాభినయం చేస్తుందని తెలుస్తుంది. భూలోకానికి చెందిన సామాన్యరాలుగా, అలాగే దేవలోకానికి చెందిన దేవకన్యగాను కనిపించనుందని అంటున్నారు. ఈ రెండు పాత్రల్లో త్రిష(Trisha) గ్లామర్ ప్రధానమైన ఆకర్షణగా నిలుస్తుందని సమాచారం.
చదవండి:Oscar Awards 2024 : ఇండియన్‌ డాక్యుమెంటరీకి దక్కని ఆస్కార్
వీరిద్దరు కాంబినేషన్‌లో 2006లో స్టాలిన్ అనే మూవీ వచ్చింది. దాదాపు 18 సంవత్సరాల తరువాత మళ్లీ ఈ జోడీ తెరపై కనిపంచనుంది. అయితే చిరంజీవి – త్రిష పాత్రలు క్లాస్, మాస్ ఆడియెన్స్‌ను మెప్పించే విధంగా ఉంటాయని తెలుస్తుంది. జగదేక వీరుడు అతిలోక సుందరి చిత్రంలో శ్రీదేవి పోషించిన పాత్రలా త్రిష రోల్ ఉంటుందని అందరూ అనుకుంటున్నారు. కానీ అంతకు మించి ఉండబోతుందని ఇండస్ట్రీలో టాక్ నడుస్తోంది. ఇందులో కూడా వీరి మధ్య వచ్చే పాటలు ప్రత్యేకంగా నిలుస్తాయని తెలుస్తుంది. ఆస్కార్ అవార్డు గ్రహిత ఎమ్ఎమ్ కీరవాణి సంగీతం సమకూర్చుతున్నారు. వచ్చే ఏడాది జనవరి 10న విడుదల చేయనున్నట్లు మేకర్స్ ప్రకటించారు.
చదవండి:Oscar Awards 2024: ఆస్కార్ అవార్డుల విజేతులు వీళ్లే!
