టిల్లు స్క్వేర్ విడుదల తేదీ వాయిదా పడటంపై ఇది వరకే సిద్ధు జొన్నలగడ్డ క్షమాపణలు చెప్పాడు. సినిమా విడుదల ఆలస్యం అయినా కూడా తప్పకుండా గతం కంటే రెండు రెట్లు సరదాగా ఉంటుందని హామీ ఇచ్చాడు. సిద్ధు ఇప్పుడు ఈ మూవీకి తుది మెరుగులు దిద్దే పనిలో ఉన్నాడు. టిల్లు స్క్వేర్ 2024 ఫిబ్రవరిలో విడుదల కానుంది. ఈ మధ్యనే నితిన్‌తో ఎక్స్‌ట్రార్డినరీ మ్యాన్ ప్రమోషన్స్ కోసం సిద్ధు జరిపిన ఇంటరాక్షన్‌లో టిల్లూ స్క్వేర్ సిరీస్ ముగింపు కాదని, దానికి మరో సీక్వెన్స్ కూడా ఉంటుందని అధికారికంగా చెప్పాడు. ఆ సిరీస్ ప్రతి 2-3 సంవత్సరాల గ్యాప్‌లో ఓ సినిమా వస్తుందని తెలిపాడు. ప్రస్తుతం ఈ మూవీతో పాటుగా మరిన్ని సినిమాల్లో తాను నటిస్తున్నట్లు తెలిపాడు.
చదవండి: Hydలో నెట్ ఫ్లిక్స్ సీఈవో బిజీ.. ఈ రోజు సూపర్ స్టార్‌తో భేటీ
టిల్లు స్క్వేర్‌కి చాలా మంచి క్రేజ్ ఉంది కానీ నిరంతర రీషూట్‌లు, వాయిదాలు బజ్‌ను కొంతవరకు దెబ్బతీస్తున్నాయి. మరి ఈ సినిమా ఫిబ్రవరిలో విడుదలవుతుందా లేక తర్వాత తేదీకి మారుతుందా అనేది చూడాలి. గతంలో అద్భుతం, నరుడా డోనరుడా చిత్రాలకు దర్శకత్వం వహించిన మల్లిక్ రామ్ దర్శకత్వం వహించిన ఈ చిత్రంలో సిద్ధు జొన్నలగడ్డ సరసన అనుపమ పరమేశ్వరన్ నటిస్తోంది.
