ఆదిపురుష్ సినిమా రూ.240 కోట్ల థియేట్రికల్ బిజెనెస్ జరుపుకుంది. ఇప్పటికే బాక్సాఫీస్ దగ్గర భారీ వసూళ్లను రాబడుతోంది. ఐదు రోజుల్లో రూ.395 కోట్లు రాబట్టింది. దీంతో ఆరు రోజుల్లో రూ.400 కోట్ల మార్క్‌ను టచ్ చేసినట్టే. ఈ వీకెండ్‌ వరకు రూ.500 కోట్ల క్లబ్‌లో చేరనుంది. అయితే ఈ కలెక్షన్స్‌ను మరింతగా పెంచేందుకు.. ఆడియెన్స్‌ను థియేటర్లకు రప్పించడానికి మేకర్స్ బంపరాఫర్ ప్రకటించారు. ఈ నెల 22, 23 తేదీల్లో త్రీడి వెర్షన్ టికెట్ రేటును 150 రూపాయలుగా ఫిక్స్ చేశారు.
కానీ త్రీడి గ్లాసెస్ కోసం అదనంగా చెల్లించాల్సి ఉంటుంది. అయితే ఈ ఆఫర్ సౌత్ స్టేట్స్‌ వారికి లేదు. ఆంధ్రప్రదేశ్, తెలంగాణ, కేరళ మరియు తమిళనాడు రాష్ట్రాలకు వర్తించదు. కేవలం హిందీ వారి కోసం మాత్రమే ఈ స్పెషల్ ఆఫర్‌ను ప్రకటించారు. 22, 23 తేదీల తర్వాత వీకెండే కాబట్టి.. ఆదిపురుష్‌కు భారీ వసూళ్లు వచ్చే ఛాన్స్ ఉంది. వీక్ డేస్‌లో నార్త్ ఆడియన్స్‌ని ఎట్రాక్ట్ చేసేందుకు ఇదో మంచి స్ట్రాటజీ అంటున్నారు సినీ విశ్లేషకులు. అయితే సౌత్ స్టేట్స్‌లో ఈ ఆఫర్ ఇవ్వకపోవడానికి కారణం లేకపోలేదు. తెలుగు రాష్ట్రాల్లో ఆదిపురుష్ కలెక్షన్లు బాగానే ఉన్నాయి. పైగా ఈ సినిమాకు పోటీగా థియేటర్లో మరో సినిమా లేదు.
ఇది కూడా చూడండి: Vedhika kumar: హీరోయిన్ వేదిక కుమార్ హాట్ లుక్స్
అందుకే, మేకర్స్ కేవలం 150 రూపాయల త్రీడి ఆఫర్‌ను నార్త్ స్టేట్స్‌ మాత్రమే పరిమితం చేశారని చెప్పొచ్చు. ఇక ఈ సినిమాలో కొన్ని డైలాగ్స్ పై విమర్శలు వచ్చిన సంగతి తెలిసిందే. దాంతో చిత్రయూనిట్ ఆ డైలాగ్స్‌ని మార్చారు. కొత్త డైలాగులను సినిమాలో యాడ్ చేశారు. అయినా కూడా ఆదిపురుష్ పై వివాదాలు వస్తునే ఉన్నాయి. ఈ సినిమాను బ్యాన్ చేయాలంటూ కొందరు కోర్టులో ఫిర్యాదు కూడా చేశారు. ఏదేమైనా ఆదిపురుష్ మాత్రం డివైడ్‌ టాక్‌తో భారీ వసూళ్లనే రాబట్టిందని చెప్పాలి.
