Ram Charan movie with 'War' hero?
Ram Charan: ఒక్కోసారి వచ్చే మూవీ అప్డేట్స్ షాక్ ఇచ్చేలా ఉంటాయి. అంతేకాదు.. కొన్నిసార్లు అనౌన్స్మెంట్‌తోనే సెన్సేషన్ క్రియేట్ చేస్తుంటారు. ఆ మధ్య ఎలాంటి లీకేజీలు లేకుండా.. ఉన్నట్టుండి ఎన్టీఆర్ ‘వార్ 2’ సినిమాలో నటిస్తున్నడంటూ ఇచ్చి షాక్ ఇచ్చారు. హృతిక్ రోషన్‌, ఎన్టీఆర్ కాంబినేషన్ అనగానే.. మొదట్లో ఇదంతా పుకార్లు అనుకున్నారు. కానీ నిజమని తెలిసి.. ఇండియాస్ బిగ్గెస్ట్ మల్టీస్టారర్ మూవీగా హైప్ క్రియేట్ చేస్తోంది వార్2. అంతేకాదు.. ఎన్టీఆర్ మరో బాలీవుడ్ మూవీకి కూడా గ్రీన్ సిగ్నల్ ఇచ్చినట్టుగా లేటెస్ట్ అప్డేట్. ఇక ఇప్పుడు రామ్ చరణ్ కూడా బాలీవుడ్ రీ ఎంట్రీకి రంగం సిద్ధం చేస్తున్నట్టుగా వార్తలు వస్తున్నాయి. వార్ సినిమాలో హృతిక్ రోషన్‌తో స్క్రీన్ షేర్ చేసుకున్న టైగర్ ష్రాఫ్‌తో రామ్ చరణ్ ఓ సినిమాకు కమిట్ అయ్యాడనే మాట వినిపిస్తోంది.
చదవండి:Prabhas: వైరల్ పిక్.. లోఫర్‌ బ్యూటీతో ప్రభాస్!
ఈ ప్రాజెక్ట్‌లో టైగర్ ష్రాఫ్ విలన్‌గా నటించే ఛాన్స్ ఉందనే టాక్ కూడా నడుస్తోంది. ఇందులో నిజమెంతో తెలియదు గానీ.. ఈ క్రేజీ కాంబినేషన్ మాత్రం అస్సలు ఊహించనిదే అని చెప్పాలి. వార్ సినిమాలో హృతిక్, టైగర్ ష్రాఫ్ ఇద్దరు కలిసి యాక్షన్‌తో దుమ్ముదులిపేశారు. ఇప్పుడు ఈ ఇద్దరు హీరోలతో వేర్వేరుగా ట్రిపుల్ ఆర్ హీరోలు నటిస్తుండడం విశేషమే. అయితే.. ఎన్టీఆర్ ‘వార్ 2’ ఫిక్స్ అయిపోయింది కానీ, చరణ్, టైగర్ ష్రాఫ్ ప్రాజెక్ట్ నిజంగానే ఉంటుందా? లేదా? అనేది తెలియాల్సి ఉంది. కానీ ఆర్ఆర్ఆర్ తర్వాత బాలీవుడ్ పై ఫోకస్ చేస్తున్నాడు చరణ్. కాబట్టి.. ఎప్పుడైనా చరణ్ బాలీవుడ్ ప్రాజెక్ట్ గురించి బిగ్ అనౌన్స్మెంట్ వచ్చిన రావొచ్చు.
చదవండి:Suhas: భారీగా రెమ్యూనరేషన్ పెంచేసిన సుహాస్.. ఎంతంటే?
