Polishetty Rambabu: తెలుగు ఇండస్ట్రీలో మరో విషాదం చోటు చేసుకుంది. ప్రముఖ నిర్మాత, వ్యాపారవేత్త అయిన పొలిశెట్టి రాంబాబు (58) హాస్పిటల్‌లో తుది శ్వాస విడిచారు. గత కొంత కాలంగా రాంబాబు దీర్ఘకాలిక వ్యాధులతో బాధపడుతున్నారు. ఈ క్రమంలో హైదరాబాద్‌లోని ఓ ప్రైవేట్ హాస్పిటల్‌లో చేరారు. ఈ రోజు ఆయన ఆరోగ్య పరిస్థితి పూర్తిగా విషమించిడంతో తుదిశ్వాస విడిచారు. గోడమీద పిల్లి, లక్ష్మీ పుత్రుడు వంటి సినిమాలకి రాంబాబు నిర్మాతగా కూడా వ్యవహరించారు.
ఇది కూడా చూడండి: Mohamed Nasheed : భారత ప్రజలకు క్షమాపణలు – మాల్దీవులు మాజీ అధ్యక్షుడు
2006లో రిలీజ్ అయిన గోడమీద పిల్లి మూవీకి జనార్ధన మహర్షి దర్శకత్వం వహించారు. ఈ మూవీలో జగపతిబాబు, అల్లరి నరేష్, ఆర్తి చాబ్రియా, గౌరీ ముంజాల్ ప్రధాన పాత్రలు పోషించగా కోటి సంగీతం సమకూర్చారు. కామెడీ జోనర్‌లో వచ్చిన ఈ చిత్రం మంచి కమర్షియల్ హిట్‌గా నిలిచింది. 2008లో రాజ్ కపూర్ దర్శత్వంలో తెరకెక్కించిన లక్ష్మీ పుత్రుడు చిత్రానికి రాంబాబు నిర్మాతగా వ్యవహరించారు. ఈ మూవీలో ఉదయ్ కిరణ్, దియా ప్రధాన పాత్రల్లో నటించారు. డి ఇమ్మాన్ మ్యూజిక్ అందించారు. ఈ సినిమా కూడా పాజిటీవ్ టాక్ తెచ్చుకుంది. ఇండస్ట్రీలోకి రాక ముందు ఆయన సీపీఎం పార్టీ అనుబంధ సంఘమైన ప్రజానాట్య మండలిలో పనిచేశారు. పొలిశెట్టి రాంబాబు మరణవార్త తెలిసిన సినీ ప్రముఖులు, కమ్యూనిస్టు నాయకులు ఆయనకు సంతాపం ప్రకటిస్తున్నారు.
ఇది కూడా చూడండి: Fire Accident: మధ్యప్రదేశ్‌ సెక్రటేరియట్‌లో భారీ అగ్నిప్రమాదం
