Pawan Kalyan for Mahesh Babu?
Mahesh Babu: సూపర్ స్టార్ మహేష్ బాబు (Mahesh Babu), పవర్ స్టార్ పవన్ కళ్యాణ్ (Pawan Kalyan) కలిసి బిగ్ స్క్రీన్ పై కనిపిస్తే.. థియేటర్లు దద్దరిల్లిపోతాయ్. ఈ ఇద్దరు కలిసే ఛాన్సెస్ తక్కువ. ఓ విషయంలో మాత్రం ఈ ఇద్దరు కలిసి ఇప్పటికే మెగా, ఘట్టమనేని అభిమానులకు ఫుల్ కిక్ ఇచ్చారు. అందుకు కారణం దర్శకుడు త్రివిక్రమ్. ఎందుకంటే.. మహేష్ బాబు, పవన్ కళ్యాణ్ ఇద్దరితోను త్రివిక్రమ్‌కి మంచి బాండింగ్ ఉంది. గతంలో పవన్‌తో త్రివిక్రమ్ చేసిన ‘జల్సా’ సినిమాకు వాయిస్ ఓవర్ ఇచ్చాడు మహేష్ బాబు. సినిమా మొత్తం మహేష్ వాయిస్‌తో పవన్‌కు ఎలివిషన్ ఇచ్చాడు త్రివిక్రమ్. ఇక ఇప్పుడు మహేష్ కోసం పవర్ స్టార్ వాయిస్ ఓవర్ ఇవ్వనున్నాడనే న్యూస్ మరోసారి వైరల్‌గా మారింది.
చదవండి: ‘Salaar’ మేకర్స్ సీరియస్ వార్నింగ్.. ఇద్దరు అరెస్ట్!
ప్రస్తుతం సూపర్ స్టార్‌తో గుంటూరు కారం సినిమా చేస్తున్నాడు మాటల మాంత్రికుడు. మూవీకి పవర్ స్టార్ వాయిస్ ఓవర్ అందించడం పక్కా అంటున్నారు. ఇప్పటికే త్రివిక్రమ్, పవన్‌ను అడగటం.. దానికి పవన్ కూడా గ్రీన్ సిగ్నల్ ఇచ్చినట్టు తెలుస్తోంది. మహేష్ బాబు ఎంట్రీ సీన్‌తోపాటు పలు కీలక సీన్స్‌కి పవర్ స్టార్ అందించనున్న వాయిస్ ఓవర్ అదిరిపోనుందని అంటున్నారు. త్వరలో గుంటూరు కారం మేకర్స్ దీనిపై క్లారిటీ ఇవ్వనున్నారని సమాచారం. వచ్చే ఏడాది సంక్రాంతి కానుకగా జనవరి 12వ తేదీన ఈ సినిమా రిలీజ్ కానుంది.
డిసెంబర్‌లో గుంటూరు కారం షూటింగ్‌కు ప్యాకప్ చెప్పనున్నారు. ఆ తర్వాత మహేష్ న్యూ ఇయర్ వెకేషన్ కోసం విదేశాలకు వెళ్లనున్నాడు. తిరిగొచ్చాక గుంటూరు కారం ప్రమోషన్స్ స్టార్ట్ చేయనున్నాడు. ఏదేమైనా పవన్ వాయిస్‌తో మహేష్ ఇంట్రాడక్షన్ అంటే.. మామూలుగా ఉండదనే చెప్పాలి.
