NTR targeted for 'Devara'.. New release date soon?
Devara: ఎన్టీఆర్ భారీ యాక్షన్ ఎంటర్టైనర్‌గా దేవర సినిమా తెరకెక్కుతోంది. కొరటాల శివ ఈ సినిమాను ఎంతో ప్రతిష్టాత్మకంగా తెరకెక్కిస్తున్నాడు . ప్రస్తుతం ఈ చిత్ర షూటింగ్ గోవాలో జరుగుతోంది. రెండు భాగాలుగా తెరకెక్కుతున్న దేవర పార్ట్ 1 అక్టోబర్ 10న గ్రాండ్‌గా రిలీజ్ చేస్తున్నట్టుగా ఇప్పటికే అనౌన్స్ చేశారు మేకర్స్. వాస్తవానికైతే ఈ సినిమా ఏప్రిల్ 5న రావాల్సి ఉంది. కానీ షూటిండ్ డిలే అవడంతో.. దసరాకి వాయిదా వేశారు. అయితే.. ఇప్పుడు మరోసారి దేవర డేట్ మారుతున్నట్టుగా తెలుస్తోంది. ఈ సినిమా రెండు వారాలు ముందుకు ప్రీపోన్ అవనున్నట్టుగా గతకొద్ది రోజులుగా ప్రచారంలో ఉంది. సెప్టెంబర్ 27న రిలీజ్ కావాల్సిన పవన్ కళ్యాణ్ ఓజి మూవీ వాయిదా పడనుందని వార్తలు వస్తునే ఉన్నాయి. దీంతో.. ఓజి రిలీజ్ డేట్‌కి దేవర రావడం ఫిక్స్ అయిందని తెలుస్తోంది. అఫీషియల్ అనౌన్స్మెంట్ ఒక్కటే మిగిలిందని అంటున్నారు. అతి త్వరలో దీనిపై అధికారిక ప్రకటన రానుందని సమాచారం.
చదవండి:Sai Dharam Tej: షాకింగ్.. అల్లు జంటకు దూరమైన మెగా మేనల్లుడు?
దీంతో ఈ సినిమా షూటింగ్‌ను వీలైనంత త్వరగా కంప్లీట్ చేయాలని ఫిక్స్ అయ్యాడట ఎన్టీఆర్. ఇండస్ట్రీ వర్గాల ప్రకారం.. కొరటాలకు ఎన్టీఆర్ టార్గెట్ పెట్టినట్టుగా తెలుస్తోంది. ఎట్టి పరిస్థితుల్లోను ఈ సినిమాను జూలై, ఆగస్ట్ నాటికి సినిమా మొత్తం రెడీ అయిపోవాలని సూచించాడట. దీంతో కొరటాల పక్కా ప్లానింగ్‌తో రిలీజ్ విషయంలో ఎలాంటి ఇబ్బందులు ఉండకుండా ప్లాన్ చేస్తున్నాడట. ఇక ఈ చిత్రానికి అనిరుద్ సంగీతం అందిస్తుండగా ఎన్టీఆర్ ఆర్ట్స్, యువసుధ ఆర్ట్స్ వారు నిర్మాణం వహిస్తున్నారు. జాన్వీ కపూర్‌ హీరోయిన్‌గా నటిస్తుండగా.. సైఫ్ అలీఖాన్ విలన్‌గా నటిస్తున్నాడు. మరి దేవర ఎలా ఉంటుందో చూడాలి.
చదవండి:Anand Mahindra: బుజ్జిని డ్రైవ్ చేసిన ఆనంద్ మహీంద్రా.. వీడియో వైరల్
