Nithin: హిట్, ఫట్‌తో సంబంధం లేకుండా వరుస సినిమాలతో దూసుకుపోతున్నాడు యంగ్ హీరో నితిన్. గత సంవత్సరం ఎక్స్‌ట్రా ఆర్డినరీ మ్యాన్ సినిమాతో ఆడియెన్స్ ముందుకొచ్చిన నితిన్.. ఈ సినిమాతో ఆశించిన స్థాయిలో విజయాన్ని అందుకోలేకపోయాడు. ఈ సినిమా అనే కాదు.. అంతకుముందు వచ్చిన సినిమాలు కూడా అలరించలేకపోయాయి. దీంతో అప్ కమింగ్ ప్రాజెక్ట్స్ పై భారీ ఆశలు పెట్టుకున్నాడు నితిన్. ప్రస్తుతం నితిన్ ‘తమ్ముడు’, ‘రాబిన్ హుడ్’ అనే సినిమాలు చేస్తున్నాడు.
ఇది కూడా చూడండి: Small Balcony : చిన్న బాల్కనీయా? ఇలా అలంకరించుకోండి
‘రాబిన్ హుడ్’ వెంకీ కుడుముల దర్శకత్వంలో తెరకెక్కుతుండగా.. తమ్ముడు సినిమాను వకీల్ సాడ్ డైరెక్టర్ వేణు శ్రీరామ్ తెరకెక్కిస్తున్నాడు. తాజాగా నితిన్ పుట్టినరోజు సందర్భంగా ‘తమ్ముడు’ సినిమా ఫస్ట్ లుక్ పోస్టర్‌ని విడుదల చేశారు. ఈ పోస్టర్‌లో ఓ ట్రైబల్ ఉమెన్ అగ్రెసివ్ లుక్‌లో చుట్ట కాలుస్తూ ఓ పాత బస్సు నడుపుతుంటే.. అందులో ఇంకొందరు కూర్చొని ఉన్నారు. ఇక ఆ బస్సు పైన ఒక ఈటె లాంటి ఆయుధం పట్టుకొని స్టైల్‌గా కూర్చుని ఉన్నాడు నితిన్. అలాగే.. ఆ బస్సు పై పగడాలమ్మ దీవెనతో అని రాసి ఉన్నట్టుగా గమనించవచ్చు.
ఇది కూడా చూడండి: Tillu Square: ఫస్ట్ డే దుమ్ములేపిన టిల్లుగాడు.. ఊహించని ఓపెనింగ్స్!
దీంతో ఖచ్చితంగా ఈ సినిమాతో నితిన్ డిఫరెంట్ అటెంప్ట్ చేస్తున్నాడనే చెప్పాలి. ఈ సినిమాను నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్ పై నిర్మిస్తుండగా.. అజనీష్ లోక్‌నాథ్ సంగీతాన్ని అందిస్తున్నాడు. మొత్తంగా.. తమ్ముడు ఫస్ట్ లుక్ పోస్టర్‌తోనే మంచి ఇంట్రెస్ట్ క్రియేట్ చేశారు మేకర్స్. మరి నితిన్ ఈ సినిమాతో సక్సెస్ ట్రాక్ ఎక్కుతాడేమో చూడాలి.
