Mister Bacchan: Ravi Teja got a solid date 'Mr Bachchan'?
Mister Bacchan: ప్రస్తుతం మాస్ మహారాజా రవితేజ పీపుల్స్‌మీడియా ఫ్యాక్టరీ నిర్మాణంలో మిస్టర్ బచ్చన్ అనే సినిమా చేస్తున్నాడు. హరీష్‌శంకర్ దర్శకత్వంలో తెరకెక్కుతున్న ఈ సినిమాలో భాగ్యశ్రీ బోర్స్ హీరోయిన్‌గా నటిస్తోంది. చివరగా రవితేజ నుంచి వచ్చిన ఈగల్ సినిమా మాస్ రాజా ఫ్యాన్స్‌ను అనుకున్నంత స్థాయిలో సాటిస్ఫై చేయలేకపోయింది. దీంతో.. మిరపకాయ్ కాంబినేషన్లో వస్తున్న మిస్టర్ బచ్చన్ పై అంచనాలు బాగానే ఉన్నాయి. ఇప్పటికే షూటింగ్ చివరి దశకు చేరుకొని.. పోస్ట్ ప్రొడక్షన్ వర్క్ జరుపుకుంటోంది. ఇప్పటి వరకు ఈ సినిమా నుంచి రిలీజ్ అయిన పోస్ట‌ర్స్, వీడియో గ్లింప్స్ మంచి అంచనాలు క్రియేట్ చేశాయి. దీంతో.. త్వరలోనే ఈ సినిమా రిలీజ్‌కు ప్లాన్ చేస్తున్నారు. అయితే.. రిలీజ్ డేట్ మాత్రం ప్రకటించడం లేదు మేకర్స్.
ఇది కూడా చూడండి: Viral: తనని కాటేసిన పామును తిరిగి కరిచేసిన వ్యక్తి!
ఇండస్ట్రీ వర్గాల ప్రకారం.. ‘మిస్టర్ బచ్చన్’ సినిమాను ఆగ‌స్టు 15న రిలీజ్ చేసేందుకు రెడీ అవుతున్నట్టుగా తెలుస్తోంది. వాస్తవానికైతే.. ఆగష్టు 15న పుష్ప2 రావాల్సి ఉంది. కానీ కొన్ని అనుకోని కారణాల వల్ల డిసెంబర్ 6కి పుష్ప2 పోస్ట్ పోన్ అయింది. దీంతో.. ఇప్పుడు పుష్ప2 ప్లేస్‌లోకి మిస్టర్ బచ్చన్ రావడానికి రెడీ అవుతున్నాడు. ఈ డేట్ మిస్టర్ బచ్చన్‌కు సాలిడ్ రిలీజ్ డేట్ అనే చెప్పాలి. లాంగ్ వీకెండ్‌తో పాటు హాలీడేస్ కలిసిరానున్నాయి. అయితే, దీనికి సంబంధించిన అఫీషియ‌ల్ అనౌన్స్ మెంట్ రావాల్సి ఉంది. ఇప్పటికే ప్రమోషన్స్ స్టార్ట్ చేసిన మేకర్స్.. ఫస్ట్ సింగిల్ రిలీజ్‌కు ప్లాన్ చేస్తున్నారు. ఈ సినిమాకు మిక్కీ జే మేయర్ సంగీతం అందిస్తున్నాడు. మరి మిస్టర్ బచ్చన్ ఎప్పుడొస్తాడో చూడాలి.
ఇది కూడా చూడండి: Kalki 2898 AD: క్లీన్ హిట్.. కల్కి@800 కోట్లు!
