Hero Yash released a video during the release of KGF movies in Japan.
కన్నడ పరిశ్రమలో భారీ చిత్రంగా తెరకెక్కిన కేజీఎఫ్(KGF) మొదటి భాగం దేశవ్యాప్తంగా విడుదలై ఘనవిజయం సాధించింది. దీంతో రెండవ భాగం కోసం యావత్తు సినిమా ప్రేమికులు ఎదురుచూసేలా చేసింది. గత ఏడాది విడుదలైన కేజీఎఫ్ పార్ట్ 2 దేశవ్యాప్తంగా భారీ వసూళ్లను రాబట్టింది. ఇక హీరో యశ్(Yash) కు పాన్ ఇండియా స్టార్ గా మాత్రమే కాకుండా పాన్ వరల్డ్ స్టార్ గా గుర్తింపు దక్కింది. తాజాగా కేజీఎఫ్ చిత్రాలను జపాన్(Japan) లో విడుదల చేస్తున్నారు. ఈ సందర్భంగా యష్ ఒక వీడియోను తన ట్విట్టర్ ఖాతా ద్వారా విడుదల చేశారు.
చదవండి:KTR: మోడీ పర్యటనను బహిష్కరిస్తున్నాం
కేజీఎఫ్ సీరీస్‌ సినిమాలు మీ అందరికీ నచ్చుతాయని, ఈ సినిమాలు మీకు అద్భుతమైన వినోదాన్ని కలిగిస్తాయని భావిస్తున్నా. ఈ యాక్షన్‌ చిత్రాలను చూసి మీరంతా ఎంజాయ్‌ చేయండి. జులై 14కు సిద్ధంగా ఉండండి అని హీరో యశ్ తెలిపారు. ప్రస్తుతం ఈ వీడియో ట్విట్టర్ లో హాట్ టాపిక్ గా మారింది. ట్వీట్ కింద తన అభిమానులు యశ్ ను నెక్ట్స్ సినిమా గురించి అడుగుతూ కామెంట్ల వర్షం కురిపిస్తున్నారు. తెలుగు రాష్ట్రాలలో ప్రభంజనం సృష్టించిన కేజీఎఫ్ సిరీస్ లకు సీక్వెల్ గా కేజీఎఫ్3 వస్తుందని మేకర్స్‌ ఇప్పటికే ప్రకటించిన విషయం తెలిసిందే. ఈ ఏడాదిలోనే ఈ చిత్రం పట్టాలెక్కే అవకాశం ఉన్నట్లు తెలుస్తుంది. ప్రస్తుతం ప్రశాంత్ నీల్ సలార్ చిత్రాన్ని తెరకెక్కిస్తున్నారు. ఈ చిత్రాన్ని కూడా రెండు భాగాలుగా తెరకెక్కిస్తున్నారు. ఈ చిత్రం పూర్తి అయిన వెంటనే డైరెక్టర్ ప్రశాంత్ నీల్ ఈ కేజీఎఫ్ 3 నిర్మించే పనులు మొదలుపెట్టనున్నట్లు సమాచారం.
మరో వైపు కేజీఎఫ్, సలార్(Salar) ప్రాజెక్ట్ లు రెండు మార్వెల్స్ గా లింక్ చేయనున్నట్లు ప్రచారం జరుగుతుంది. దీనిపై ఇప్పటి వరకు అధికారిక ప్రకటన అయితే లేదు కానీ సలార్ టీజర్ విడుదలైనప్పటి నుంచి కేజీఎఫ్ లకు సలార్ కొనసాగింపు అనే వార్తలు సోషల్ మీడియాలో తెగ చక్కర్లు కొడుతున్నాయి. దీనిపై క్లారిటీ రావాల్సి ఉంది.
. @TheNameIsYash Boss Video for #KGF Series Japan Release 🔥#YashBOSS #Yash19 pic.twitter.com/m99Uyu9m8G
— Yash Trends ™ (@YashTrends) July 7, 2023
