ప్రస్తుతం సెట్స్ పై ఉన్న పవన్ కళ్యాణ్ సినిమాల్లో.. హరిహర వీరమల్లు నుంచి అప్డేట్ వచ్చి చాలా కాలం అవుతోంది. పవన్ పాలిటిక్స్ కారణంగా ఈ సినిమాకు బ్రేక్ పడింది. దీంతో హరిహర వీరమల్లు ఇప్పట్లో కష్టమేనని.. డైరెక్టర్ క్రిష్ ఈ సినిమా నుంచి తప్పుకుంటున్నట్లు గత కొద్ది రోజులుగా ప్రచారం జరుగుతోంది. అంతేకాదు.. క్రిష్ ఈ ప్రాజెక్ట్‌ను పక్కకు పెట్టి అనుష్కతో ఓ సినిమా చేస్తున్నాడనే టాక్ ఉంది. దీంతో రీసెంట్‌గా చిత్ర యూనిట్ నుంచి ఒక సాలిడ్ అప్డేట్ బయటికొచ్చింది. ప్రస్తుతం ఈ సినిమాకు సంబంధించిన హై ఎండ్ విఎఫ్ఎక్స్ వర్క్.. ఇరాన్, కెనడా, బెంగళూరు, చెన్నై, హైదరాబాద్ వంటి ప్రదేశాల్లో జరుగుతోందని మేకర్స్ తెలిపారు. త్వరలోనే ఒక స్పెషల్ ప్రోమో కూడా రిలీజ్ చేయడానికి రెడీ అవుతున్నామని చిత్ర యూనిట్ పేర్కొంది. దీంతో హరిహర వీరమల్లు స్పెషల్ ప్రోమో ఎప్పుడు రిలీజ్ చేస్తారని వెయిట్ చేస్తున్నారు పవన్ ఫ్యాన్స్.
చదవండి: రష్మికకు అరుదైన గౌరవం.. ఇక తగ్గేదేలే!
లేటెస్ట్ అప్డేట్ ప్రకారం.. ఈ స్పెషల్ ప్రోమో మార్చి 8న మహా శివరాత్రి సందర్భంగా రిలీజ్ చేయనున్నట్టుగా తెలుస్తోంది. ఈ ప్రోమో విజువల్ గ్రాండియర్‌గా పవన్ ఫ్యాన్స్ పండగ చేసుకునేలా ఉంటుందని అంటున్నారు. ఈ ప్రోమోకి సంబంధించిన అఫీషియల్ రిలీజ్ డేట్ త్వరలోనే అనౌన్స్ చేయనున్నారు. మెగా సూర్య ప్రొడక్షన్స్ బ్యానర్ మీద ఏఎం రత్నం నిర్మిస్తున్న ఈ సినిమాలో నిధి అగర్వాల్ హీరోయిన్‌గా నటిస్తోంది. ఏదేమైనా.. ఇక నుంచి హరిహర వీరమల్లుకి మంచి రోజులు మొదలయ్యాయనే చెప్పాలి. కానీ పవన్ డేట్స్ ఇస్తే తప్పా.. ఈ సినిమా ముందుకు కదలదు. అలా జరగాలంటే.. ఏపీ ఎలక్షన్స్ కంప్లీట్ అయ్యే వరకు వెయిట్ చేయాల్సిందే.
