Guntur Kaaram: డైరక్టర్ త్రివిక్రమ్, సూపర్‌స్టార్ మహేశ్ బాబు కాంబోలో రానున్న సినిమా గుంటూరు కారం. సంక్రాంతి కానుకగా ఈ నెల 12న సినిమా థియేటర్లలో విడుదల కానుంది. ప్రేక్షకులు ఎంతగానో ఎదురుచూస్తున్న గుంటూరు కారం ట్రైలర్ వచ్చేసింది. విడుదలకు ముందే ఈ చిత్రంపై అంచనాలు భారీగా పెరిగిపోయాయి. ఈ చిత్రంలో మహేశ్ బాబు పాత్రను ఎలా డిజైన్ చేశారనేది ఈ ట్రైలర్ చూస్తే అర్థం అయిపోతుంది. శ్రీలీలను చూస్తు ఆయన చెప్పే డైలాగ్స్ ఆకట్టుకుంటాయి. యాక్షన్, ఎమోషన్స్, మాస్ ఎలిమెంట్స్ కూడా ఈ ట్రైలర్‌లో పుష్కలంగా ఉన్నాయి. ఈ ట్రైలర్ విడుదలైనప్పటి నుంచి రికార్డు వ్యూస్‌తో దూసుకెళ్తోంది. అయితే మాస్ ఎంటర్ టైనర్‌గా రూపొందిన ఈ మూవీ పండక్కి బ్లాక్ బస్టర్ హిట్ పక్కా అని మహేశ్ అభిమానులు పండగ చేసుకుంటున్నారు.
