Director Nag Ashwin appealed to Elon Musk to drive Kalki Buzzi
Kalki: పాన్ ఇండియా స్టార్ ప్రభాస్(Prabhas) నటిస్తున్న తాజా చిత్రం కల్కి(Kalki) కోసం ఆయన అభిమానులతో పాటు ప్రపంచ వ్యాప్తంగా ఉన్న సినిమా లవర్స్ ఎదురుచూస్తున్నారు. ఈ మధ్యే సినిమా ప్రమోషన్లు సైతం మొదలు పెట్టారు. దానిలో భాగంగా బుజ్జిని పరిచయం చేశారు. బుజ్జి అంటే తెలుసు కదా.. కల్కిలో భైరవ నడిపే భారీ వాహనం. ఆ కారును ప్రేక్షకులకు పరిచయం చేయడానికి భారీ ఈవెంట్ ఏర్పాటు చేశారు. కల్కి సినిమాకోసం మహేంద్ర కంపెనీ ఇంజనీర్లతో కలిసి ఈ బుజ్జిని తయారుచేశారు. అత్యంత క్రియేటీవ్‌గా ఉన్న ఈ వెహికల్‌ని చూసి ప్రపంచమంతా ఆశ్చర్యపోతుంది. అందే కాదు దేశంలోని పలు నగరాల్లో దీన్ని తిప్పుతూ ప్రమోషన్లు మొదలు పెట్టారు. దీనికి సంబంధించిన వీడియోలు సోషల్ మీడియాలో తెగ వైరల్ అవుతున్నాయి.
చదవండి:Movie Lover’s Day: ప్రేక్షకులకు గుడ్ న్యూస్.. ఏ సినిమా అయినా మే 31 రూ. 99కే
కల్కి సినిమాలో ప్రభాస్ క్యారెక్టర్ తరువాత ప్రేక్షకులంతా డిస్కస్ చేస్తుంది బుజ్జి గురించే అంటే ఆశ్చర్యపడనక్కర్లేదు. అంతలా దీనిపై నెట్టింట్లో చర్చ సాగుతుంది. ఇదిలా ఉంటే తాజాగా డైరెక్టర్ చేసిన ఓ పని ప్రపంచవ్యాప్తంగా ఆసక్తిని నెలకొల్పింది. టెస్లా ఓనర్ ప్రముఖ బిజినెస్‌మెన్ ఎలన్ మస్క్‌కు ఓ రిక్వెస్ట్ చేశాడు డైరెక్టర్. కల్కి క్రియేటర్ నాగ్ అశ్విన్ ఎలాన్ మస్క్‌ను ట్యాగ్ చేస్తూ ఓ ట్వీట్ చేశారు. ప్రియమైన ఎలాన్ మస్క్ సర్.. మా బుజ్జిని ఒక సారి డ్రైవ్ చేయాలని మీకు మా ఆహ్వానాన్ని పంపిస్తున్నాము అని పోస్ట్ చేశారు. దీంతో ఆ పోస్ట్ తెగ వైరల్ అవుతుంది. ప్రపంచవ్యాప్తంగా టెస్లా లాంటి ఎలక్ట్రిక్ వెహికల్స్‌తో సంచలనం సృష్టిస్తున్న మస్క్ ఈ ట్వీట్‌కు ఎలా స్పందిస్తారో చూడాలి. ఇక బుజ్జి విషయానికి వస్తే 6 టన్నుల బరువున్న ఎలెక్ట్రిక్ వెహికల్. ఇది నిజంగా ఇంజనీరింగ్ అద్భుతం అని చెప్పాలి.
చదవండి:Pushpa2TheRule: పుష్ప 2 నుంచి సూసేకి పాట వచ్చేసింది.. ఎలా ఉందంటే?
