ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో రూపొందుతున్న యాక్షన్ థ్రిల్లర్ ‘పుష్ప2’. డిసెంబరు 5న విడుదల కానున్న ఈ మూవీ షూటింగ్ పూర్తయింది. ఈ విషయాన్ని తెలియజేస్తూ బన్నీ ఆనందం వ్యక్తం చేశాడు. ‘పుష్ప 2’ చిత్రీకరణ పూర్తయినట్లు వెల్లడించాడు. ఈ మేరకు ఆఖరి రోజు చిత్రీకరణ అంటూ సోషల్ మీడియాలో పోస్ట్ చేశాడు. ‘పుష్ప’తో ఐదేళ్ల ప్రయాణం మరిచిపోలేనిదంటూ పేర్కొన్నాడు.
