న్యాచురల్ స్టార్ నాని నటించిన ఫస్ట్ పాన్ ఇండియా ఫిల్మ్ దసరా.. మార్చి 30న గ్రాండ్‌గా థియేటర్లోకి వచ్చింది. ట్రైలర్ చూసిన తర్వాత ఈ సినిమాకు భారీ ఓపెనింగ్స్ వస్తాయనుకున్నారు. అందుకు తగ్గట్టే ఫస్ట్ డే 38 కోట్ల గ్రాస్ వసూళ్లను రాబట్టి.. కెరీర్ బెస్ట్ ఓపెనింగ్స్ అందుకున్నాడు నాని. ఇక రెండో రోజు 15 కోట్ల గ్రాస్ అందుకొని.. మొత్తంగా ప్రపంచ వ్యాప్తంగా 53 కోట్లు కొల్లగొట్టాడు నాని. దీంతో.. ఇది బాక్సాఫీస్ దగ్గర ధరణిగాడి మాస్ ర్యాంపేజ్ అంటూ.. ప్రకటించారు మేకర్స్. ఇక నైజాంలో 10 కోట్లకు పైగా రాబట్టి.. రెండు రోజుల్లోనే ఈ సినిమా బ్రేక్ ఈవెన్ అయిపోయిందని అంటున్నాయి ట్రేడ్ వర్గాలు. రేపో మాపో మిగతా ఏరియాల్లోను ఈ సినిమా బ్రేక్ ఈవెన్ టార్గెట్ రీచ్ అవడం పక్కా. ఈ లెక్కన నానికి 100 కోట్ల బొమ్మ పడినట్టేనని చెప్పొచ్చు. వీకెండ్‌ వరకు దసరా భారీ వసూళ్లను రాబడుతుందని అంటున్నారు. ఇక యూఎస్‌లో అయితే దసరా దుమ్ములేపుతోంది. ఇప్పటికే 1.12 మిలియన్ డాలర్స్ మార్క్ అందుకుకొని.. రికార్డ్ క్రియేట్ చేశాడు నాని. ఈ లెక్కన దసరా మాస్ ర్యాంపేజ్ ఎలా ఉందో అర్థం చేసుకోవచ్చు. నాని కెరీర్లోనే ఈ సినిమా బిగ్గెస్ట్ బ్లాక్ బస్టర్‌గా నిలుస్తుందనడంలో.. ఎలాంటి సందేహాలు లేవు. ఫస్ట్ సినిమానే అయినా.. దర్శకుడు శ్రీకాంత్ ఓదెల ఈ సినిమాను చాలా బాగా హ్యాండిల్ చేశాడని అంటున్నాయి ఇండస్ట్రీ వర్గాలు. ఈ సినిమాలో వెన్నెలగా కీర్తి సురేష్ డీ గ్లామర్‌ రోల్‌లో కనిపించగా.. సంతోష్ నారాయణన్ సంగీతం అందించాడు. మరి లాంగ్‌ రన్‌లో దసరా ఎలాంటి రికార్డ్స్ క్రియేట్ చేస్తుందో చూడాలి.
