అవతార్ 2(Avatar 2) రిలీజ్ టైం దగ్గర పడుతోంది. దాంతో ప్రస్తుతం ఎక్కడ చూసిన ఈ సినిమా గురించే చర్చించుకుంటున్నారు సినీ అభిమానులు. ఎందుకంటే అవతార్ మూవీతో దర్శకుడు జేమ్స్ కామెరాన్ అంతలా మ్యాజిక్ చేశాడు.. పండోరా అంటూ ఓ కొత్త ప్రపంచాన్నే ప్రపంచానికి పరిచయం చేశాడు. దాంతో మరో కొత్త ప్రపంచం చూడడానికి తహ తహలాడుతున్నారు మూవీ లవర్స్. అందుకే క్రిస్మస్ కానుకగా డిసెంబర్ 16న రానున్న అవతార్ 2 కోసం ఈగర్‌గా వెయిట్ చేస్తున్నారు.
ఈ క్రమంలోనే అవతార్ 2 ట్రైలర్‌ను ప్రేక్షకుల ముందుకు తీసుకొచ్చారు.ఇక ఈ ట్రైలర్ చూస్తే.. జేమ్స్ కామెరూన్ మరో అద్భుత సృష్టి చేసినట్టే కనిపిస్తోంది. కళ్ళు మిరుమిట్లు గొలిపే విజువల్ వండర్‌గా ఈ ట్రైలర్ ఉంది. భారీ సెట్టింగులు, ఫైట్స్, యాక్షన్, అడ్వెంచరస్ సన్నివేశాలు గూస్ బంప్స్ తెప్పిచేలా ఉన్నాయి. ముఖ్యంగా వింత జీవులతో ట్రైలర్ నిండిపోయింది.. ఈసారి యుద్ధం నీటి అడుగున జరగబోతోంది. దాంతో నీటి అడుగున ఉండే దృశ్యాలు అత్యద్భుతంగా ఉన్నాయి.
జస్ట్ ట్రైలర్‌లోనే ఇలా ఉంటే.. ఇక సినిమాలో ఇంకెలా ఉంటుందోనని ఊహించుకుంటున్నారు ఆడియెన్స్. అది కూడా 3డీలో చూస్తే ఆ ఫీల్ నెక్ట్స్ లెవల్లో ఉంటుందని అంటున్నారు. ఇక ఈ ట్రైలర్‌లో విజువల్స్‌తో పాటు బ్యాక్ గ్రౌండ్ స్కోర్ అదిరిపోయేలా ఉంది. మొత్తంగా పండోరా గ్రహం మీద ఉన్న కొత్త ప్రాంతాలను, జీవులను ఈ ట్రైలర్‌లో చూపించాడు కామెరూన్. మరి రోజు రోజుకి అంచనాలను పెంచేస్తున్న అవతార్ 2.. బాక్సాఫీస్ దగ్గర ఎలాంటి వండర్స్ క్రియేట్ చేస్తుందో చూడాలి.
ఇది కూడా చూడండి: బాలయ్య అన్ స్టాపబుల్(YS Sharmila) షోకి షర్మిల..?
