అర్జున్ రెడ్డి డైరెక్టర్ ‘యానిమల్’ అనే సినిమాతో మరో సెన్సేషన్‌కు రెడీ అవుతున్నాడు. బాలీవుడ్ స్టార్ హీరో రణబీర్ కపూర్, నేషనల్ క్రష్ రష్మిక మందన జంటగా నటించిన ఈ సినిమా.. డిసెంబర్ 1న ప్రపంచ వ్యాప్తంగా భారీ ఎత్తున రిలీజ్ కాబోతోంది. రీసెంట్‌గా యానిమల్ ట్రైలర్ రిలీజ్ చేయగా.. అరాచకం అనేలా ఉంది. ట్రైలర్‌తో సినిమా పై అంచనాలను ఒక్కసారిగా పెంచేశాడు సందీప్ రెడ్డి. ఇప్పటికే తెలుగులో అడ్వాన్స్ బుకింగ్స్ ఓపెన్ చేయగా.. టికెట్స్ హాట్ కేకుల్లా అమ్ముడుపోతున్నాయి. అందుకు తగ్గట్టే భారీ ఎత్తున ప్రమోషన్స్ చేస్తున్నారు మేకర్స్.
చదవండి: Bigboss7: బిగ్‌బాస్7 నుంచి అశ్విని ఔట్..నేడు మరొకరు ఎలిమినేషన్!
తెలుగు ప్రమోషన్స్ కోసం బాలయ్య అన్‌స్టాపబుల్ షోలో సందడి చేసింది యానిమల్ చిత్ర యూనిట్. ప్రస్తుతం ఈ టాక్ షో ట్రెండింగ్‌లో ఉంది. ఇదే క్రమంలో టాలీవుడ్‌లో పెద్ద ఎత్తున ప్రీ రిలీజ్ ఈవెంట్ నిర్వహించబోతున్నారు. ఇప్పటికే ముంబయిలో చేసిన ప్రమోషన్స్‌కు ఊహించని స్థాయిలో రెస్పాన్స్‌ వచ్చింది. దాంతో తెలుగులో కూడా అదే స్థాయిలో ప్రీ రిలీజ్ వేడుకను ప్లాన్‌ చేస్తున్నారు.
చదవండి: Sreeleela: ఆల్రెడీ రెండు ఔట్.. ఇలా అయితే కష్టమే శ్రీలీల!
హైదరాబాద్‌లోని మల్లారెడ్డి యూనివర్సిటీని వేదికగా.. నవంబర్ 27న యానిమల్ మూవీ ప్రీ రిలీజ్ వేడుక జరగనుంది. ఈ విషయాన్ని హీరో రణబీర్ కపూరే స్వయంగా వెల్లడించడం విశేషం. ఇక ఈ వేడుకకు ఓ టాలీవుడ్ స్టార్ హీరో గెస్ట్‌గా రానున్నాడని సమాచారం. అయితే ఆ స్టార్ హీరో ఎవరనేది? క్లారిటీ రావాల్సి ఉంది. ఇకపోతే.. సందీప్ రెడ్డి నెక్స్ట్ సినిమా ‘స్పిరిట్’ ప్రభాస్‌తో చేయనున్నాడు. వచ్చే ఏడాది సెప్టెంబర్‌లో ఈ సినిమా సెట్స్ పైకి వెళ్లనుంది. కాబట్టి.. ఈ వేడుకకు ప్రభాస్ గెస్ట్‌గా వచ్చిన ఆశ్చర్యపోనక్కర్లేదు.
