Allu Arjun: పాన్ ఇండియా హీరో అల్లు అర్జున్ గురించి ప్రత్యేకంగా పరిచయం అక్కర్లేదు. సుకుమార్ దర్శకత్వంలో వచ్చిన పుష్ప సినిమాతో పాన్ ఇండియా హీరోగా గుర్తింపు తెచ్చుకోవడమే కాకుండా ఈ సినిమాలో తన నటనకు గానూ ఉత్తమ నటుడిగా జాతీయ అవార్డును అందుకున్న సంగతి తెలిసిందే. అల్లు అర్జున్ ప్రస్తుతం పుష్ప 2 సినిమాతో బిజీగా ఉన్నాడు.ప్రస్తుతం ఈ సినిమా షూటింగ్ శరవేగంగా జరుగుతోంది. ఈ సినిమా విడుదల కోసం అభిమానులు ఆసక్తిగా ఎదురుచూస్తున్నారు. ఇదిలావుంటే హీరో అల్లు అర్జున్‌కి మరో అరుదైన గౌరవం దక్కింది. ప్రతిష్టాత్మకమైన మేడమ్ టుస్సాడ్స్ మ్యూజియంలో త్వరలో బన్నీ మైనపు విగ్రహాన్ని ఏర్పాటు చేయనున్నారు. ఈ ఏడాది దుబాయ్‌లోని మ్యూజియంలో ఈ విగ్రహాన్ని ఏర్పాటు చేయనున్నట్లు మేడమ్ టుస్సాడ్స్ ట్వీట్ చేసింది. ఈ మేరకు బన్నీ నుంచి కొలతలు సేకరిస్తున్న వీడియోను షేర్ చేసింది. ఈ వార్త సోషల్ మీడియాలో వైరల్ కావడంతో అల్లు అర్జున్ అభిమానులు సంతోషం వ్యక్తం చేశారు. కాగా, టుస్సాడ్స్ మ్యూజియంలో తన మైనపు బొమ్మను ఏర్పాటు చేయడంపై అల్లు అర్జున్ స్పందించారు.
చదవండి:Ex Minister: ఫోన్ నుంచి వాట్సాప్ గ్రూప్లో అశ్లీల వీడియోలు!
National Award winner; the first Telugu Actor in 69 years to win this award and icon of dance moves, the one and only Allu Arjun is all set to come face to face with his wax twin at Madame Tussauds Dubai later this year.
Stay tuned for an event like never before 🎬✨#alluarjun pic.twitter.com/ePHhfvWfru
— Madame Tussauds Dubai (@Tussauds_Dubai) October 5, 2023
చదవండి:Asian Games-2023: ఫైన‌ల్‌కి భార‌త్‌..బంగ్లాదేశ్‌ను మట్టికరిపించి భారీ విజయం
ఈ సందర్భంగా అల్లు అర్జున్ మాట్లాడుతూ చాలా సంతోషంగా ఉందన్నారు. అది నాకో ప్రత్యేక అనుభూతిని ఇచ్చింది. చిన్నప్పుడు టుస్సాడ్స్ మ్యూజియంకు వెళ్లిన సందర్భాలు ఉన్నాయని అల్లు అర్జున్ సంతోషం వ్యక్తం చేశారు. ఈ మ్యూజియంలో నా మైనపు విగ్రహాన్ని చూస్తానని నేనెప్పుడూ ఊహించలేదు. సినిమా, క్రీడలే కాకుండా వివిధ రంగాలకు చెందిన ప్రముఖుల మైనపు విగ్రహాలు టుస్సాడ్స్ మ్యూజియంలో ఉన్నాయి. సింగపూర్, లండన్, దుబాయ్ వంటి వివిధ ప్రదేశాలలో ఈ మ్యూజియం శాఖలు ఉన్నాయి. దుబాయ్‌లోని మ్యూజియంలో అమితాబ్ బచ్చన్, ఐశ్వర్యారాయ్, రణబీర్ కపూర్, షారుక్ ఖాన్ వంటి సినీ ప్రముఖుల విగ్రహాలను చూడవచ్చు. త్వరలో ఇక్కడ బన్నీ విగ్రహాన్ని ఏర్పాటు చేయనున్నారు.
