Bath : వేడి నీటితో స్నానం చేస్తే ఎంత హాయిగా ఉంటుందో ప్రత్యేకంగా చెప్పాల్సిన పనిలేదు. చలికాలంలో అయితే కచ్చితంగా వేడి నీళ్లు ఉంటేనే కానీ స్నానం చెయ్యని వారు చాల మంది ఉన్నారు.. అయితే చాలా మంది వేడి నీటి స్నానం మంచిది కాదు. చ‌న్నీటి స్నాన‌మే మంచిదంటారు. కానీ, వేడి నీటితో స్నానం చేయడం వల్ల ఆరోగ్య ప్రయోజ‌నాలు ఉన్నాయి. ముఖ్యంగా చలికాలంలో ఓదార్పు వేడి నీటి స్నానం చేయడం చాలా ఓదార్పునిస్తుంది. ఈ వెచ్చని స్నానం ఒత్తిడిని తగ్గించడమే కాకుండా ప్రశాంతత కలిగిస్తుంది. వెచ్చని నీటితో స్నానం చేస్తే సానుకూల ప్రభావాలు స్పష్టంగా కనిపిస్తున్నప్పటికీ.. సంతానోత్పత్తిపై ఇది ప్రభావం చూపిస్తుందని నిపుణులు చెబుతున్నారు. ముఖ్యంగా పురుషులలో శుక్రకణాల సంఖ్య తగ్గుతుందని ఇటీవలి అధ్యయనంలో తేలింది.
చదవండి:Lok Sabha Polls Date: 16 ఏప్రిల్ న లోక్‌సభ ఎన్నికలు..? ఈసీ ఏమన్నదంటే..
వేడి నీటితో స్నానం చేయడం వల్ల స్పెర్మ్ కౌంట్ తగ్గుతుంది. మగవారు ఎక్కువ సేపు వేడి నీళ్లతో స్నానం చేస్తే, వారిలో సంతానోత్పత్తి సామర్థ్యం తగ్గుతుందని పరిశోధనల్లో తేలింది. వారానికి సుమారు 30 నిమిషాల పాటు వేడి నీటికి గురికావడం వల్ల పురుషులలో వంధ్యత్వానికి కారణమవుతుందని వెల్లడైంది. వేడినీటితో స్నానం చేసిన పురుషులందరిలో స్పెర్మ్ ఉత్పత్తి, వాటి చలనశీలత తగ్గుతుందని తేలింది. అదే సమయంలో చల్లటి నీటితో చేయడం వలన మూడు నుండి ఆరు నెలల తర్వాత మొత్తం సగటు స్పెర్మ్ కౌంట్ 491 శాతం పెరిగింది.
చదవండి:Budget 2024 : ఈ సారి బడ్జెట్లో ఆదాయపు పన్నుపై మినహాయింపు ఎంతంటే ?
మగవారిలో సెక్స్ హార్మోన్ అయిన టెస్టోస్టెరాన్, అలాగే వీర్యం వృషణాలలో తయారవుతాయి. మంచి నాణ్యమైన స్పెర్మ్‌ను తయారు చేయడానికి వృషణాలు శరీరంలోని మిగతా భాగాల కంటే కొన్ని డిగ్రీలు చల్లగా ఉండాలి. ఎక్కువ వేడికి గురైనప్పుడు స్పెర్మ్ కణాలు చనిపోతాయి. అధిక ఉష్ణోగ్రతలకు నిరంతరం బహిర్గతం కావడం వల్ల వీర్యం ఉత్పత్తి తక్కువగా ఉంటుంది. అలాగే అసాధారణ ఆకారంలో ఉన్న స్పెర్మ్ కణాల ఉత్పత్తి జరుగుతుంది. ఇది పురుషులలో వంధ్యత్వానికి దారితీస్తుంది. వృషణాల ఉష్ణోగ్రతలో కృత్రిమ పెరుగుదల స్పెర్మ్ కౌంట్, నాణ్యత రెండింటినీ తగ్గిస్తుందని అనేక ప్రయోగాత్మక అధ్యయనాలు చూపిస్తున్నాయి. స్నానం చేయడం మంచిదే, కానీ హాట్ బాత్ టబ్బులలో కూర్చుని గడపటం, స్టీమ్ బాత్ లేదా ఆవిరి స్నానాలు చేయడం, వేడి నీటితో స్నానాలు చేయడం తగ్గించండి. హాట్ బాత్ టబ్ లో సుమారు 102 నుండి 104 ° F వరకు శరీర ఉష్ణోగ్రతను పెంచుతుంది, ఇది పురుషుల సంతానోత్పత్తిపై ప్రతికూల ప్రభావాన్ని చూపుతుంది.
