ఆహార నాణ్యత సూచీలో తెలంగాణకు దేశంలోని 17 పెద్ద రాష్ట్రాల్లో 15వ స్థానం దక్కింది. అంతే పరిస్థితి ఎంత దారుణంగా ఉందో చెప్పక్కర్లేదు. ఈ సూచీలో వంద కు తెలంగాణకు 34.5 శాతం మార్కులు మాత్రమే రావడం గమనార్హం. అంటే తెలంగాణ రాష్ట్రంలో ఆహార నాణ్యతా ప్రమాణాలు కూడా 34 శాతమేఉన్నట్లు లెక్క.ఇక తొలి మూడు స్థానాల్లో తమిళనాడు(82 శాతం), గుజరాత్(77.5 శాతం) మహారాష్ట్ర(70శాతం) ఉన్నాయి. అంటే ఈ మూడు రాష్ట్రాల్లో కల్తీ కాస్త తక్కువగా ఉందని అర్థం.
చదవండి: Fennel seeds : సోంపు తింటే షుగర్ అదుపులో ఉంటుందా ?
ఈరోజుల్లో ముఖ్యంగా హైదరాబాద్ లాంటి నగరాల్లో బయటి ఆహారం తినేందుకు ప్రజలు ఎక్కువ ఉత్సాహం చూపిస్తూ ఉంటారు. అందుకే బయటి ఆహారానికి గిరాకీ ఎక్కువగా ఉంది. గిరాకీ పెరగడంతో తయారీ దారులు శుభ్రత, నాణ్యత పై ఎక్కువ దృష్టి పెట్టడం లేదు. ఎవరైనా ఫిర్యాదు చేస్తే తప్ప, అధికారులు కల్తీ ఆహారాలపై తనిఖీలు చేయడం లేదు. నామ మాత్రంగా తనిఖీలు చేపడుతున్నారు. తెలంగాణ రాష్ట్రం మొత్తం ఆహార తనిఖీ నాణ్యత అధికారులు 50 మంది ఉన్నారు.
చదవండి: Banana : అరటిపండ్లు తింటే కిడ్నీలు పాడవుతాయా.. నిజమెంత ?
వారిలో 26 మంది కేవలం గ్రేటర్ హైదరాబాద్ లో తనిఖీలు చేపడుతుండగా, మిగిలిన 24 మంది రాష్ట్రంలోని ఇతర ప్రాంతాల్లో పని చేస్తున్నారు. అయినప్పటికీ వారు తమ విధులను సక్రమంగా చేస్తున్నట్లు ఎక్కడా కనిపించడం లేదు. ఈ అంశం పై తెలంగాణ ప్రభుత్వం కాస్త సీరియస్ యాక్షన్ తీసుకోవాల్సిన అవసరం ఎంతో ఉంది. అలా తీసుకుంటే తప్ప ఈ కల్తీ లోకం నుంచి మనల్ని మనం రక్షించుకోగలం.
