MNCL: దండేపల్లి మండలంలోని గూడెంగుట్ట సత్యనారాయణ స్వామి దేవాలయాన్ని సంపూర్ణ చంద్రగ్రహణం సందర్భంగా మూసివేయనున్నామని ఆలయ ఈవో శ్రీనివాస్ వెల్లడించారు. మంగళవారం ఆయన మాట్లాడుతూ.. సెప్టెంబర్ 7న సంపూర్ణ చంద్రగ్రహణం పురస్కరించుకొని ప్రధాన దేవాలయం, అన్ని దేవాలయాలను మూసివేస్తామన్నారు. సెప్టెంబర్ 8న దేవాలయంలో సంప్రోక్షణ అనంతరం దేవాలయాన్ని తెరుస్తామన్నారు.
AP: చంద్రగ్రహణం సందర్భంగా ఈ నెల 7న మ.3:30 నుంచి 8వ తేదీ తెల్లవారుజామున 3 గంటల వరకు తిరుమల శ్రీవారి ఆలయం మూసివేయనున్నట్లు టీటీడీ తెలిపింది. 8వ తేదీ దర్శనం కోసం 7వ తేదీ వీఐపీ సిఫార్సు లేఖలు స్వీకరించబడవు. 8వ తేదీన నేరుగా వచ్చే ప్రోటోకాల్ ప్రముఖులకు మాత్రమే వీఐపీ బ్రేక్ దర్శనాలకు అనుమతి ఇస్తారు. 7వ తేదీ శ్రీవాణి ఆఫ్‌లైన్ దర్శనాల సమయాన్ని మధ్యాహ్నం 1 గంటకు మార్పు చేశారు.
E.G: రాజమండ్రిలోని స్థానిక 23వ వార్డులో శ్రీ వజ్ర గణపతి ఆలయంలో శ్రీ లక్ష్మీ గణపతి నవరాత్రి మహోత్సవాల్లో భాగంగా శ్రీ లక్ష్మీ గణపతి స్వామివారి కళ్యాణం వైభవంగా నిర్వహించారు. పేరూరి మహేంద్రనాధ్, వెంకటరమణ దంపతులు కళ్యాణం జరిపించారు. భక్తులు పెద్ద సంఖ్యలో హాజరై కళ్యాణాన్ని తిలకించి పులకించారు. స్వామివారికి ఏకాదశ హారతులు ఇచ్చిన అనంతరం భక్తులు తీర్థ ప్రసాదాలు స్వీకరించారు.
KKD: శంఖవరం మండలం అన్నవరంలో కొలువై ఉన్న వీర వెంకట సత్యనారాయణ స్వామి వారి నిత్య అన్నదానం పథకానికి అన్నవరం గ్రామ వాస్తవ్యులు కర్రీ సత్య గౌరీ ఉదయ్ శర్మ స్వామి వారికి రూ.1,00,000 రూపాయలు విరాళంగా సమర్పించారు. ముందుగా దాతలు స్వామివారిని దర్శించి ప్రత్యేక పూజలు నిర్వహించారు. అనంతరం దాతలకు ఆలయ సిబ్బంది స్వామివారి చిత్రపటాన్ని అందజేశారు.
కృష్ణా: పెడన పట్టణంలో మెయిన్ రోడ్డులో ఏర్పాటు చేసిన పందిరిలో గణపతి నవరాత్ర మహోత్సవాలు ఆరో రోజుకు చేరుకున్నాయి. సోమవారం శ్రీ సిద్ధి బుద్ధి గణపతి అలంకారంలో భక్తులకు దర్శనమిచ్చిన స్వామివారికి వేద పండితులు విశేష పూజా కార్యక్రమాలు నిర్వహించారు. ప్రతిరోజు సాయంత్రం వేళల్లో సాంస్కృతిక కార్యక్రమాలు నిర్వహిస్తున్నట్లు తెలిపారు.
కోనసీమ: ఐ.పోలవరం మండలం మురమళ్ల వీరేశ్వరస్వామి ఆలయంలో అక్టోబరు నెలకు సంబంధించిన నిత్య కల్యాణ టికెట్స్ విడుదల చేసినట్లు ఆలయ సహాయ కమిషనర్ సత్యనారాయణ తెలిపారు. 31 రోజుల 3,596 కల్యాణాలకు ఆన్లైన్లో 2,128, కార్యాలయంలో 1,468 అందుబాటులో ఉంచినట్లు తెలిపారు. భక్తులు నేరుగా లేదా ఆన్లైన్లో కాని నమోదు చేసుకోవచ్చని తెలిపారు.
కోనసీమ: అంతర్వేది లక్ష్మీనరసింహ స్వామి ఆలయంలో నేటి నుంచి నాలుగు రోజుల పాటు పవిత్రోత్సవాలు వైభవంగా జరగనున్నాయి. ఇందుకు సంబంధించిన ఏర్పాట్లను అధికారులు పూర్తిచేశారు. సాయంత్రం 6 గంటలకు అంకురార్పణతో ఉత్సవాలు ప్రారంభమవుతాయి. భక్తులు అధిక సంఖ్యలో పాల్గొని ఉత్సవాలు జయప్రదం చేయాలని ఈవో నాగవరప్రసాద్ తెలిపారు.
శ్రీకాకుళంలోని పాలకొండ రోడ్డులో గల విజయ గణపతి ఆలయాన్ని మాజీ మంత్రి ధర్మాన ప్రసాదరావు ఆదివారం సాయంత్రం దర్శించుకున్నారు. ఈ సందర్భంగా ఆయన మాట్లాడుతూ.. వినాయకుని ఆశీస్సులు అందరిపై ఉండాలని అన్నారు. అనంతరం మాజీ మంత్రి ధర్మాన ప్రసాదరావు అర్చకులు ఆశీర్వచనం ఇచ్చి స్వామివారి తీర్థప్రసాదాలను అందజేశారు.
శ్రీకాకుళంలోని అరసవల్లి శ్రీ సూర్యనారాయణ స్వామి వారికి ఒక్క రోజు వచ్చిన ఆదాయాన్ని ఆలయ అధికారులు వెల్లడించారు. టికెట్లు రూపేనా రూ.1,33,500, విరాళాల రూపంలో రూ.57,377, ప్రసాదాల రూపంలో రూ.1,50,175 శ్రీ స్వామి వారికి ఆదాయం వచ్చిందని ఆలయ ఈవో ప్రసాద్ పేర్కొన్నారు. ఆదివారం కావడంతో భక్తులు అధిక సంఖ్యలో వచ్చి స్వామిని దర్శించుకున్నారని ఈవో చెప్పారు.
NDL: సంజామల మండల పరిధిలోని ముచ్చలపురిలో గణనాధుని ఇవాళ లడ్డూను గణేష్ ఉత్సవ కమిటీ నిర్వాహకులు వేలంపాట నిర్వహించారు. ఇందులో భాగంగా పలువురు పోటీ పడగా.. అత్యధికంగా ఈర్ల బాలకృష్ణుడు యాదవ్ రూ. 75000తో స్వామివారి లడ్డు ప్రసాదాన్ని దక్కించుకున్నారు. ఈ కార్యక్రమంలో అమీర్ దొర, ఈర్ల శ్రీకాంత్, రామ గుర్రప్ప యాదవ్, కె.పెద్దిరెడ్డి, తదితరులు పాల్గొన్నారు.
KMM: భద్రాచల శ్రీ సీతారామచంద్రస్వామి వారి దేవస్థానంలో శుక్రవారం నిత్యకళ్యాణ మహోత్సవం ఘనంగా జరిగింది. వేద ఘోషాలు, మంగళవాయిద్యాల నాదాలు మధ్య స్వామివారిని పుష్పమాలతో, దివ్యాభరణాలతో శోభాయమానంగా అలంకరించారు. ఆర్చకులు సంప్రదాయ పద్దతిలో నిత్యకళ్యాణాన్ని నిర్వహించగా, ఆలయ ప్రాంగణం భక్తజనులతో కిక్కిరిసిపోయింది.
WGL: శ్రీ భద్రకాళి దేవస్థానంలో ఆలయ అర్చకులు శనివారం ఉదయాన్నే అమ్మవారికి ప్రత్యేక అలంకరణ చేశారు. ప్రాతఃకాల విశేష దర్శనంలో అమ్మవారు దర్శనమిచ్చారు. అనంతరం అమ్మవారికి విశేష పూజలు చేసి హారతి ఇచ్చారు. భక్తులు ఉదయం నుంచి ఆలయం చేరుకొని అమ్మవారిని దర్శించుకుని పూజలు చేస్తున్నారు. అనంతరం తీర్థ ప్రసాదాలు స్వీకరిస్తున్నారు.
నంద్యాల: ఇవాళ ఎల్లార్తి శేక్షావలి షాషావలి సాహెబ్ 363 వ ఉరుసు ఉత్సవాలకు సంబంధించిన వాల్ పోస్టర్లను మైనారిటీ సంక్షేమ శాఖ మంత్రి ఎన్ఎండీ విడుదల చేశారు. ఎల్లార్తి దర్గా EO ఇమ్రాన్ మాట్లాడుతూ.. ఈ వచ్చేనెల 18 న గంధం 19 న ఉరుసు ఉత్సవాలు ఉంటాయన్నారు. కార్యక్రమంలో టీడీపీ సీనియర్ నాయకుడు ఈడిగ గోవింద్ గౌడ్ యువ నాయకుడు ఈడిగ రాజేంద్ర గౌడ్ తదితరులు పాల్గొన్నారు.
శ్రీ విశ్వావసు నామ సంవత్సరం; దక్షిణాయనం; వర్ష రుతువు, భాద్రపద మాసం, శుక్లపక్షం షష్ఠి: సా.5-41 తదుపరి సప్తమి స్వాతి: ఉ.10-32 తదుపరి విశాఖ వర్జ్యం: సా.4-46 నుంచి 6-31 వరకు అమృత ఘడియలు: తె.3-23 నుంచి 5-09 వరకు దుర్ముహూర్తం: ఉ.8-17 నుంచి 9-07 వరకు తిరిగి మ.12-26 నుంచి 1-16 వరకు రాహుకాలం: ఉ.10-30 నుంచి 12-00 వరకు సూర్యోదయం: ఉ.5.48; సూర్యాస్తమయం: సా.6.15
VSP: జాతీయ మహిళా కమిషన్ సభ్యురాలు డా. అర్చనా మజుందార్ బుధవారం శ్రీ వరాహ లక్ష్మీనరసింహస్వామివారిని దర్శించుకున్నారు. ఆలయ పర్యవేక్షణ అధికారి త్రిమూర్తులు స్వాగతం పలికి, కప్పస్తం ఆలింగనం అనంతరం స్వామిదర్శనం చేశారు. వేదపండితులు మంత్రోచ్చారణలతో ఆశీర్వచనం అందించగా, ఆలయ యాజమాన్యం శేషవస్త్రం సమర్పించి, స్వామివారి ప్రసాదాలను అందజేసింది.
