పెళ్లిలో (Marriage) సంప్రదాయంగా.. పద్ధతిగా ఉండాల్సిన వరుడు తప్ప తాగి వచ్చాడు. ఆ తాగిన మైకంలో (Drunked) సక్రమంగా జరగాల్సిన ప్రక్రియను చెడగొట్టాడు. పెళ్లి తంతులో భాగంగా వధువు నుదిటిపై సింధూరం పెట్టాల్సిన యువకుడు విఫలమయ్యాడు. బొట్టు పెట్టాల్సింది పోయి ఆమె ముఖంపై చల్లాడు. ఇలాంటి తాగుబోతును చేసుకోలేనని ఆ యువతి స్పష్టం చేసింది. దీంతో ఆనందంగా జరుగాల్సిన పెళ్లి పెంట పెంట అయ్యింది. ఉత్తరప్రదేశ్ (Uttar Pradesh)లోని మీర్జాపూర్ జిల్లా అహిరౌరా (Ahirora) పోలీస్ స్టేషన్ పరిధిలో ఈ సంఘటన చోటుచేసుకుంది.
చదవండి: మళ్లీ కాల్పుల మోత.. అమెరికాలో తుపాకీ తూటాకు 9 మంది బలి
చందౌరి జిల్లా (Chandauli District) మానిక్ పూర్ గ్రామానికి చెందిన ఓ యువకుడికి శుక్రవారం వివాహం జరుగాల్సి ఉంది. వివాహం కోసం వధువు గ్రామం చాకర్ ఘట్ట గ్రామానికి ఊరేగింపుగా బయల్దేరారు. అనంతరం పూజా కార్యక్రమాలు చేశారు. అయితే అప్పటికే తాగిన మత్తులో ఉన్న వరుడు వింతగా చేస్తున్నాడు. ఈ సమయంలో వధువు నుదుటిపై బొట్టు (Sindoor) పెట్టాల్సి ఉంది. సింధూరం పెట్టకుండా ఆమె ముఖంపై చల్లాడు. దీనిపై అందరూ ఆగ్రహం వ్యక్తం చేయడంతో ఆ వరుడు కోపంలో వధువుపై చేయి చేసుకున్నాడు. దీంతో కల్యాణ మండపంలో గందరగోళం మొదలైంది.
చదవండి: క్రికెట్ ఆడుతూ కుప్పకూలిన సాఫ్ట్ వేర్ ఇంజనీర్.. ఆ కాసేపటికే
వధువు తరఫు కుటుంబసభ్యులు (Family), బంధువులు ఆగ్రహం వ్యక్తం చేశారు. వరుడిపై తిట్ల దండకం మొదలుపెట్టారు. పెద్దలు సద్దుమణిగేలా చొరవ తీసుకున్నారు. అయితే వధువు మనస్తాపానికి గురైంది. వెంటనే అతడిని పెళ్లి చేసుకోలేనని తేల్చి చెప్పింది. ఈ వ్యవహారం పోలీస్ స్టేషన్ కు చేరింది. పెద్దల సమక్షంలో చర్చలు జరిపినా వధువు పెళ్లికి అంగీకరించలేదు. పెళ్లికి చేసిన ఖర్చు తిరిగి ఇవ్వాలని వధువు కుటుంబసభ్యులు అడగడంతో వరుడి కుటుంబం ఇచ్చేందుకు అంగీకరించింది. దీంతో చిన్న సంఘటనతో పెళ్లి పెటాకులైంది.
చదవండి: రాష్ట్రపతికి చేదు అనుభవం.. చీకట్లోనే 15 నిమిషాలు ప్రసంగం
