అమెరికాలో షాకింగ్ ఘటన వెలుగు చూసింది. మృతదేహాలను ముక్కలు చేసి ఓ వ్యక్తి ఆన్‌లైన్‌లో అమ్ముతున్న ఘటన బయటపడింది. అమెరికా హార్వర్డ్ మెడికల్ యూనివర్సిటీలో ఈ దారుణ ఘటన చోటుచేసుకుంది. అంతర్జాతీయంగా పేరుపొందిన వర్సిటీలోనే ఇంతటి దారుణం జరగడంపై అందరూ పెదవి విరుస్తున్నారు. యూనివర్సిటీలోని మార్చురీ మేనేజర్ ఈ దారుణానికి పాల్పడ్డాడు. వైద్య విద్యార్థులు పరిశోధనల కోసం విరాళంగా కొంత మంది మృతదేహాలను ఇస్తుంటారు. వాటితోనే మార్చురీ మేనేజర్ వ్యాపారం మొదలు పెట్టాడు.
చదవండి: Tamil Nadu : మ‌హిళా ఐపీఎస్ పై లైంగిక వేధింపులు..మాజీ డీజీపీకి జైలు శిక్ష
ప్రాక్టికల్స్ కోసం మెడికల్ కాలేజీకి వచ్చిన మృతదేహాల నుంచి మార్చురీ మేనేజర్ తల, మెదడు, చర్మం, ఎముకలను ఆన్‌లైన్‌లో అమ్మేవాడు. సెడ్రిక్ లాడ్జ్ అనే ఆ వ్యక్తి వర్శిటీ మార్చురీలో ఉండే మృతదేహాల భాగాలను వేరుచేసి వాటిని గాఫ్స్‌టౌన్‌లోని తన ఇంటికి తీసుకెళ్తూ ఉండేవాడు. ఆ తర్వాత అక్కడే తన వ్యాపారం మొదలు పెట్టేవాడు. మృతదేహాల నుంచి వేరు చేసిన భాగాలను ఇద్దరు వ్యక్తుల సాయంతో విక్రయించేవాడు.
చదవండి: SSC Studentపై పెట్రోల్ పోసి నిప్పంటించారు.. ఎక్కడ అంటే..?
2018 నుంచి 2022 మధ్య వరకూ అతని వ్యాపారం లక్ష డాలర్లకు చేరుకుంది. అయితే తాజాగా ఓ మహిళ అవయవాలను కొనుగోలు చేసే క్రమంతో ఈ దారుణ వ్యాపారం బయటపడింది. ఈ కేసు విషయంలో అమెరికాకు చెందిన ఎఫ్బీఐ రంగంలోకి దిగి మార్చురీ మేనేజర్ సెడ్రిక్ లాడ్జ్ ను అరెస్ట్ చేసింది. ఈ కేసుతో సంబంధం ఉన్న మరో ఆరుగురిని కూడా అరెస్ట్ చేసింది. మృతదేహాల అవయవాలు అమ్ముతున్నాడనే ఆరోపణలు రావటంతో అతనిని వర్సిటీ ఉద్యోగం నుంచి తొలగిస్తూ ఆదేశాలు జారీ చేసింది.
