Atrocious in Hyderabad.. A woman was raped in a car after drinking alcohol
Gangrape: ఓ మహిళపై గ్యాంగ్ రేపు చేసిన ఘటన ఆలస్యంగా వెలుగులోకి వచ్చింది. హైదరాబాద్‌లో జరిగిన ఈ ఘటన ఢిల్లీలో జరిగిన నిర్భయ ఘటనను గుర్తు చేస్తుంది. భర్త వేధింపులు భరించలేక పోలీసులకు ఫిర్యాదు చేయడానికి వెళ్లిన ఓ మహిళపై ఇద్దరు మృగాలు అత్యాచారని తెగబడ్డారు. మహిళచే బలవంతంగా మద్యం తాగించి దారుణానికి ఒడిగట్టాడు. శుక్రవారం రాత్రి హైదరాబాద్‌లోని అల్వాల్‌లో జరిగిన ఈ ఘటన ఆలస్యంగా వెలుగులోకి వచ్చింది. బాధితురాలు పోలీసులకు ఆశ్రయించడంతో అసలు విషయం బయటకు వచ్చింది.
చదవండి:AIIMS: తోకతో పుట్టిన బాలుడికి శస్త్రచికిత్స చేసిన ఎయిమ్స్ వెద్యులు
పోలీసులు తెలిపిన వివరాల ప్రకారం.. యాప్రాల్‌ ప్రాంతంలో ఒక కుటుంబం కాపురం ఉంటున్నారు. 29 ఏళ్ల బాధిత మహిళను భర్త రోజు వేధించేవాడు. దాంతో విసిగిపోయిన సదరు మహిళ శుక్రవారం సాయంత్రం అల్వాల్ పోలీస్ స్టేషన్‌కు వెళ్లి ఫిర్యాదు చేయాలి అనుకుంది. అందుకోసం ఆమె ఉబెర్ ఆటోను బుక్ చేసుకుంది. బాధితురాలు ఒంటిరిగా ఉందని గమనించిన ఆటో డ్రైవర్ పథకం ప్రకారం పోలీసు స్టేషన్ వద్దే కాపుకాశాడు. స్టేషన్ నుంచి బయటకు వచ్చిన మహిళను తిరగి యాప్రాల్‌లో దింపేస్తానని ఆటో ఎక్కించుకున్నాడు. తరువాత తనను మాటల్లో పెట్టి సానుభూతిగా వ్యవహరించాడు. దారిలో ఓ వైన్ షాఫ్ దగ్గర ఆపి మరో ఇద్దరిని ఆటోలో ఎక్కించుకున్నాడు.
అలా మద్యం తాగుతూ మహిళను కూడా తాగమని చెప్పారు. తాను నిరాకరించడంతో బలవంతంగా మద్యం తాగించారు. ఆ తరువాత ఆటోను వెంకట్రావ్ లేన్‌లో ఉన్న ఓ నిర్మానుష్యప్రాంతానికి తీసుకెళ్లారు. అక్కడే ఉన్న కారులో ఎక్కించారు. అక్కడినుంచి ఆటో డ్రైవర్ వెళ్లిపోయాడు. తరువాత ఇద్దరు కారులో తనపై అత్యాచారానికి పాల్పడ్డారు. శనివారం తెల్లవారుజామున వారి నుంచి తప్పించుకున్న బాధితురాలు ఆ ప్రాంతంలోని గణేష్ ఆలయం వద్దకు చేరుకుంది. స్థానికుల సాహాయంతో పోలీసులకు ఫోన్ చేసింది. బొల్లారం పోలీసులు ఘటనాస్థలికి చేరుకొని బాధిత మహిళను పీఎస్‌కు తరలించారు. ఈ ఘటనపై జీరో ఎఫ్ఐఆర్ నమోదు చేసుకొని దర్యాప్తు చేస్తున్నారు. ప్రస్తుతం నిందితులు పరారీలో ఉన్నారు. ఆటో నెంబర్ సాయంతో ఆటో డ్రైవర్‌ను అరెస్ట్ చేశారు. అతన్ని విచారించిన ఆ ఇద్దరి ఆచుకూని తెలుసుకనే ప్రయత్నం చేస్తున్నామని పోలీసులు తెలిపారు.
చదవండి:Orange alert: తెలంగాణకు ఆరెంజ్‌ అలర్ట్‌.. భారీ వర్షాలు పడే అవకాశం
