Wholesale Inflation : భారతదేశ టోకు ద్రవ్యోల్బణం వార్షిక ప్రాతిపదికన జనవరిలో 0.27 శాతానికి మరింత తగ్గిందని బుధవారం వాణిజ్య మంత్రిత్వ శాఖ ప్రకటించింది. డిసెంబర్‌లో ఇది 0.73 శాతం. రాయిటర్స్ పోల్‌లో టోకు ద్రవ్యోల్బణం 0.53 శాతం పెరగవచ్చని అంచనా వేశారు. అంతకుముందు రిటైల్ ద్రవ్యోల్బణం గణాంకాలు వచ్చాయి. ఇది చాలా ఉపశమనం కలిగించింది. రిటైల్ ద్రవ్యోల్బణం కూడా 3 నెలల కనిష్ట స్థాయికి చేరుకుంది. ఏప్రిల్ నుండి అక్టోబర్ వరకు టోకు ద్రవ్యోల్బణం నిరంతరం సున్నా కంటే తక్కువగానే ఉంది. నవంబర్‌లో 0.39 శాతంగా నమోదైంది.
చదవండి:Farmers Protest :రైతుల ఆందోళన.. ఢిల్లీలో స్వాగతం బోర్డుల తొలగింపు
జనవరిలో టోకు ధరల సూచీ (డబ్ల్యూపీఐ) ఆధారిత ద్రవ్యోల్బణం 0.27 శాతం (తాత్కాలిక)గా నమోదైందని వాణిజ్య, పరిశ్రమల మంత్రిత్వ శాఖ బుధవారం ఒక ప్రకటనలో తెలిపింది. జనవరి 2023లో టోకు ద్రవ్యోల్బణం 4.8 శాతంగా ఉంది. డేటా ప్రకారం, ఆహార పదార్థాల ద్రవ్యోల్బణం 2024 జనవరిలో 6.85 శాతంగా ఉంది. ఇది డిసెంబర్ 2023లో 9.38 శాతంగా ఉంది. కూరగాయల ద్రవ్యోల్బణం జనవరిలో 19.71 శాతంగా ఉంది. ఇది డిసెంబర్ 2023లో 26.3 శాతంగా ఉంది. జనవరిలో పప్పుల టోకు ద్రవ్యోల్బణం 16.06 శాతంగా ఉండగా, పండ్లలో 1.01 శాతంగా ఉంది. ఈ వారం ప్రారంభంలో భారతదేశ రిటైల్ ద్రవ్యోల్బణం గణాంకాలు విడుదలయ్యాయి. రిటైల్ ద్రవ్యోల్బణం వార్షిక ప్రాతిపదికన 5.10 శాతానికి తగ్గింది. డిసెంబర్‌లో రిటైల్ ద్రవ్యోల్బణం నాలుగు నెలల గరిష్ట స్థాయి 5.69 శాతానికి చేరుకుంది. 44 మంది ఆర్థికవేత్తల రాయిటర్స్ పోల్ మూడు నెలల కనిష్ట స్థాయి 5.09 శాతంగా అంచనా వేసింది.
చదవండి:Tillu Square Trailer: టిల్లు స్క్వేర్ ట్రైలర్ వచ్చేసింది.. సిద్ధు అదరగొట్టేశాడు!
