mukesh ambani received death threat email for rs 20 crore demand
భారత్లో ప్రముఖ పారిశ్రామికవేత్త, రిలయన్స్ ఇండస్ట్రీస్ చైర్మన్ ముఖేష్ అంబానీ(66)కి(mukesh ambani) మరోసారి బెదిరింపు ఈ-మెయిల్ వచ్చింది. 20 కోట్ల రూపాయలు ఇవ్వాలని లేదంటే కాల్చి చంపుతామని శుక్రవారం (అక్టోబర్ 27)న ఓ వ్యక్తి ఈ మెయిల్ చేశారని పోలీసులు పేర్కొన్నారు. దీనిపై కేసు నమోదు చేసిన పోలీసులు దర్యాప్తు చేస్తున్నారు. ఈ అంశంపై ముంబైలోని గామ్‌దేవి పీఎస్‌లో ఐపీసీ 387, 506 (2) సెక్షన్‌ల కింద కేసు నమోదు చేశారు. శుక్రవారం తాజా బెదిరింపులో రిలయన్స్ మేనేజింగ్ డైరెక్టర్ ముఖేష్ అంబానీకి చెందిన ఎగ్జిక్యూటివ్ అసిస్టెంట్, సెక్యూరిటీ హెడ్‌కి రాత్రి 8.51 గంటలకు ఇమెయిల్ వచ్చిందని తెలిసింది. దీంతో మెయిల్ పంపిన సమాచారాన్ని సెక్యూరిటీ హెడ్ క్లిక్ చేసి గాందేవి పోలీస్ స్టేషన్‌లో ఫిర్యాదు చేశారు.
రిలయన్స్ ఫౌండేషన్ నిర్వహిస్తున్న ఆసుపత్రికి ఈ నెల ప్రారంభంలో బెదిరింపు కాల్స్(block mail calls) వచ్చాయి. ముఖేష్ అంబానీ, అతని కుటుంబ సభ్యులను చంపుతామని పోన్స్ చేసిన కొద్ది రోజుల తర్వాత ఇది జరగడం విశేషం. ఆసుపత్రిని పేల్చివేసి అంబానీ, అతని భార్య నీతా, కుమారులు ఆకాష్, అనంత్‌లను చంపుతామని బెదిరింపు కాల్స్ చేశారని ముంబై పోలీసులు పేర్కొన్నారు. ఈ కేసులో బీహార్‌లోని దర్భంగాకు చెందిన రాకేష్ కుమార్ మిశ్రా (30)ని అరెస్టు చేసినట్లు అధికారులు తెలిపారు. దీంతోపాటు ముంబై ఆంటిలియాలోని అంబానీ కుటుంబం ఇంటిని పేల్చివేస్తానని కూడా అదే వ్యక్తి బెదిరించాడు.
అంబానీలకు బెదిరింపు సందేశాలు కొత్తేమీ కాదు. నవంబర్ 2021లో కూడా బెదిరింపులు(Threats)వచ్చాయి. అంతకుముందు ఫిబ్రవరి 25, 2021న ఆంటిలియా సమీపంలోని దక్షిణ ముంబైలోని కార్మైకేల్ రోడ్‌లో పేలుడు పదార్థాలతో కూడిన SUVని నిలిపారు. అప్పుడు పోలీసులు జెలటిన్ స్టిక్స్‌తో పాటు ముద్రించిన బెదిరింపు నోట్‌ను కూడా స్వాధీనం చేసుకున్నారు. ఇది ఇది కేవలం “ట్రైలర్” మాత్రమేనని..తర్వాత కర్రలకు బదులుగా పేలుడు పదార్థాలను సమీకరించే అవకాశం ఉందని ఏజెన్సీ పేర్కొంది.
ఇది కూడా చూడండి: Cipla: ఒక్క వార్త సిప్లా పాలిట వరంగా మారింది.. లాభాల పంట పండింది
