అమెరికాకు చెందిన హిండెన్ బర్గ్ రీసెర్చ్ అనే షార్ట్ సెల్లర్ సంస్ద రూపొందించిన నివేదిక కారణంగా భారత బిలియనీర్ గౌతమ్ ఆదానీ ఇబ్బందుల్లో పడ్డారు. ఆదానీ సంస్దలకు చెందిన స్టాక్స్ అన్నీ మార్కెట్ లో భారీ పతనం అవుతున్నాయి. ఈ కారణంగా ఆదానీ సంపద ఆవిరవుతునే ఉంది. ఈ నివేదిక వెలువడిన పది రోజుల్లోనే అదానీ గ్రూప్ కంపెనీలు ఏకంగా 118 బిలియన్ డాలర్లు నష్టపోయింది. భారత కరెన్సీలో ఇది రూ. 9.73 లక్షల కోట్లు.
అదానీ సంస్థల షేర్లు అన్నీ సగానికి పడిపోయాయి. హిండెన్‌బర్గ్ రీసెర్చ్ నివేదిక కంటే ముందు అదానీ గ్రూప్ 217 బిలియన్ డాలర్ల విలువ కలిగిన మార్కెట్ క్యాపిటలైజేషన్ కలిగి ఉన్నాయి. ప్రస్తుతం ఆ విలువ 99 బిలియన్ డాలర్లకు పడిపోయింది. దాంతో, మొన్నటిదాకా ఆసియాలో అత్యంత సంపన్నుడిగా వెలుగొందిన అదానీ.. అగ్రస్థానాన్ని కోల్పోయారు. అలాగే, ప్రపంచ సంపన్ననుల్లో మూడో స్థానంలో ఉన్న గౌతమ్ అదానీ ఒక్కసారిగా 21వ స్థానానికి పడిపోయారు.
