భారత క్రికెట్ జట్టు మాజీ కెప్టెన్ సునీల్ గవాస్కర్(sunil gavaskar) ఆస్ట్రేలియాతో జరగనున్న ప్రపంచ టెస్ట్ ఛాంపియన్‌షిప్ (WTC)ఇండియా టీం గురించి తన అభిప్రాయాన్ని వ్యక్తం చేశారు. అయితే భారత్ టీం ఇంకా సిద్ధం కాలేదు. వీంద్ర జడేజా లేదా రవిచంద్రన్ ఆశ్విన్ లలో ఎవరిని ఎంపిక చేయాలని సెలక్టర్లు ఆలోచిస్తున్నట్లు తెలుస్తోంది. దీంతోపాటు భరత్, ఇషాన్ కిషన్ మధ్య కూడా పోటీ నెలకొంది. ఈ నేపథ్యంలో భారతదేశం తరపున తన ఇష్టపడే ప్లేయింగ్ జట్టును గవాస్కర్ ఎంచుకున్నారు. వికెట్ కీపర్ రేసులో అతను క్రమం తప్పకుండా జట్టు కోసం ఆడుతున్న KS భరత్‌ని ఎంచుకున్నారు. గవాస్కర్ ఓవల్‌లో ఇద్దరు స్పిన్నర్లు, ముగ్గురు పేస్ బౌలర్లను ప్రకటించారు. ఈ వ్యూహం “ఆ రోజు”లో పని చేస్తుందని, ఆట పరిస్థితులలో ఏదైనా మార్పు చేసుకోచ్చని అభిప్రాయం వ్యక్తం చేశారు.
ఇది కూడా చూడండి: Chandrapur district: బస్సును ఢీకొన్న కారు..ఆరుగురు మృతి
ఇక బ్యాటింగ్ విషయంలో రోహిత్ శర్మ, శుభ్‌మన్ గిల్‌లు ఒకరిగా ఉంటారు. నం.3 చేతేశ్వర్ పుజారా, నం.4 విరాట్ కోహ్లి, నం.5 అజింక్యా రహానే అని గవాస్కర్ పేర్కొన్నారు. ఇక నెం. 6 KS భరత్ లేదా ఇషాన్ కిషన్ అని ఊహించుకుంటానని వెల్లడించారు. బౌలింగ్ విభాగం విషయానికి వస్తే, గవాస్కర్ రవిచంద్రన్ అశ్విన్, రవీంద్ర జడేజాతో పాటు ముగ్గురు పేసర్లు మహ్మద్ షమీ, మహ్మద్ సిరాజ్, శార్దూల్ ఠాకూర్ లవైపు మొగ్గు చూపారు. జడేజా(Ravindra Jadeja), Ravichandran అశ్విన్‌లను నంబర్ 7, నంబర్ 8 వద్ద చూస్తున్నారని భావిస్తున్నట్లు భారత మాజీ కెప్టెన్ చెప్పాడు. నం. 9, 10, 11 మహ్మద్ షమీ, మహ్మద్ సిరాజ్, శార్దూల్ ఠాకూర్ కావచ్చని అభిప్రాయం వ్యక్తం చేశారు.
WTC ఫైనల్‌కు సునీల్ గవాస్కర్ అంచనా వేసిన XI: రోహిత్ శర్మ, శుభమాన్ గిల్, ఛెతేశ్వర్ పుజారా, విరాట్ కోహ్లీ, అజింక్యా రహానే, KS భరత్, రవీంద్ర జడేజా, రవిచంద్రన్ అశ్విన్, మహ్మద్ షమీ, మహ్మద్ సిరాజ్, శార్దూల్ ఠాకూర్
