ఎప్పుడెప్పుడా అని ఎదురుచూస్తున్న ఎకో ఫ్రెండ్లీ ఎలక్ట్రిక్ ఎయిర్ కండిషన్డ్ (AC) బస్సులు ‘ఈ-గరుడ’గా మంగళవారం నుంచి ప్రయాణికులకు అందుబాటులోకి రానున్నాయి. హైదరాబాద్-విజయవాడ రూట్‌లో 50 ఎలక్ట్రిక్ ఏసీ బస్సులను నడపాలని నిర్ణయించిన టీఎస్‌ రోడ్స్‌ ట్రాన్స్‌పోర్ట్‌ కార్పొరేషన్ (TSRTC) మంగళవారం ఈ రూట్‌లో 10 ఈవీ బస్సులను ప్రారంభించనుంది.
మిగిలిన 40 ఈవీ బస్సులు ఈ ఏడాది చివరి నాటికి దశలవారీగా అందుబాటులోకి రానున్నాయి. పర్యావరణ ప్రయోజనాలతో పాటు, EV బస్ ఫ్లీట్ విజయవాడ-హైదరాబాద్ మార్గంలో ప్రయాణీకులకు మెరుగైన మరియు సౌకర్యవంతమైన ప్రయాణ అనుభూతిని అందిస్తుంది.
ఇది కూడా చూడండి: Anakapalle: ఫోన్ పెట్టిన చిచ్చు.. భార్యను చంపిన భర్త
హైదరాబాద్-విజయవాడ ప్రాంతాల్లో ప్రతి 20 నిమిషాలకు ఒక బస్సు ప్రయాణికులకు అందుబాటులో ఉండే విధంగా ఎలక్ట్రిక్ ఏసీ బస్సులను నడపనున్నట్లు టీఎస్‌ఆర్‌టీసీ అధికారులు సోమవారం వెల్లడించారు.
రానున్న రెండేళ్లలో 1860 కొత్త ఎలక్ట్రిక్ బస్సులను అందుబాటులోకి తెస్తున్నామని, ఇందులో హైదరాబాద్ నగరంలో 1300 బస్సులు, 550 బస్సులను సుదూర ప్రాంతాలకు నడపనున్నట్లు కార్పొరేషన్ తెలిపింది. అవి కాకుండా రాబోయే నెలల్లో హైదరాబాద్‌లో మొత్తం 10 డబుల్ డెక్కర్ బస్సులు నడపనున్నాయి. ఈ కొత్త ఎలక్ట్రిక్ ఏసీ బస్సుల ప్రారంభోత్సవం మంగళవారం మియాపూర్ క్రాస్ రోడ్స్‌లో రవాణా శాఖ మంత్రి పువ్వాడ అజయ్ కుమార్ సమక్షంలో జరగనుంది.
ఇది కూడా చూడండి: KPHB : భీమవరం ప్రేమజంట హైదరాబాద్ లో ఆత్మహత్య
