తెలంగాణ (Telangana) ఇతివృత్తం ఉన్న సినిమాలకు (Movies) ప్రేక్షకులు బ్రహ్మరథం పడుతున్నారు. ఫిదా (Fida) నుంచి మొదలుకుని బలగం (Balagam).. దసరా (Dasara), విరూపాక్ష (Virupaksha) వరకు అన్ని తెలంగాణ నేపథ్యంలోని సినిమాలే. ఈ సినిమాల్లో దసరా రూ.100 కోట్లకు పైగా వసూళ్లు రాబట్టుకుని ఇంకా విజయవంతంగా ప్రదర్శితమవుతోంది. అలాంటి సినిమా నెల తిరగకుండానే ఓటీటీలోకి (OTT) వచ్చేసింది. ఏప్రిల్ 27 గురువారం నుంచే నెట్ ఫ్లిక్స్ (Netflix)లో ప్రేక్షకులకు అందుబాటులోకి వచ్చేసింది.
చదవండి: Yadadri ఆలయంలో మళ్లీ లీకేజీలు.. గోడల వెంట కారుతున్న Rain Water
ధరణిగా నాని (Nani), వెన్నెల కీర్తి సురేశ్ (Keerthy Suresh) ప్రధాన పాత్రల్లో వచ్చిన సినిమా దసరా. కొత్త దర్శకుడు శ్రీకాంత్ ఓదెల (Srikanth Odela) సారథ్యంలో రూపుదిద్దుకున్న ఈ సినిమా మార్చి 30వ తేదీన థియేటర్ లలో విడుదలైంది. దీక్షిత్ శెట్టి (Deekshith Shetty) ప్రధాన పాత్రలో మెరువగా.. స్నేహం నేపథ్యంలో ఉన్న సినిమాను ప్రేక్షకులు బ్రహ్మరథం పట్టారు. ఇంకా థియేటర్ (Theatres)లలో కొనసాగుతున్న ఈ సినిమాను చూసేందుకు అభిమానులు తరలివస్తున్నారు. అయితే చిత్రాన్ని సొంతం చేసుకున్న నెట్ ఫ్లిక్స్ ప్రజల్లో ఉన్న ఆదరణను చూసి ఏప్రిల్ 27 నుంచే స్ట్రీమింగ్ (Streaming) మొదలుపెట్టింది. తెలుగు, తమిళ, మలయాళ, కన్నడ భాషల్లో ఈ సినిమా స్ట్రీమ్ అవుతోంది.
చదవండి: 23వ పడిలోకి BRS Party.. ఉద్యమం నుంచి పార్టీ ప్రస్థానం
కాగా ఈ సినిమాను ఓటీటీలో కాకుండా థియేటర్ లలోనే చూడాల్సిన సినిమా అని ప్రేక్షకులు (Viewers) పేర్కొంటున్నారు. ముఖ్యంగా వెన్నెల పాత్రలో కీర్తి సురేశ్, ధరణి పాత్రలో నానిలను చూడాలంటే పెద్ద తెర (Theatre) కరెక్ట్ అని సోషల్ మీడియాలో కామెంట్లు చేస్తున్నారు. ఈ సినిమాలో కీలక ఘట్టమైన క్లైమాక్స్ కు మాత్రం 75 ఎంఎం కూడా సరిపోదని చెబుతున్నారు. దసరా సినిమా ఓటీటీలో కూడా రికార్డులు (New Records) బద్దలు కొడుతుందని సినీ వర్గాలు భావిస్తున్నాయి.
