ఆఫ్రికాలోని ఉగాండాలో విషాదం చోటుచేసుకుంది. కొండచరియలు విరిగి 13మంది మృతిచెందారు. తూర్పు ఉగాండాలోని పర్వత ప్రాంతమైన బులంబులిలో రెండు రోజులుగా కురుస్తున్న భారీ వర్షాలకు కొండచరియలు విరిగిపడినట్లు అధికారులు తెలిపారు. ఈ ప్రమాదంలో 40 ఇళ్లు పూర్తిగా ధ్వంసం అయినట్లు వెల్లడించారు. వెంటనే సహాయక చర్యలు చేపట్టి ప్రజలను సురక్షిత ప్రాంతాలకు తరలించారు. శిథిలాల కింద అనేక మంది చిక్కుకున్నారని మృతుల సంఖ్య మరింత పెరిగే అవకాశం ఉందని సమాచారం.
