కాలిఫోర్నియాలో భారీ కార్చిచ్చు చెలరేగింది. లాస్ ఏంజెలెస్‌ సమీపంలో పర్వత ప్రాంతాల్లో మొదలైన మంటలు వేగంగా వ్యాపిస్తున్నాయి. నివాస ప్రాంతాలకు మంటలు వ్యాపించే సూచనలు ఉండటంతో అధికారులు అప్రమత్తమయ్యారు. దాదాపు 10వేల మందిని ఖాళీ చేయిస్తున్నారు. అలాగే విద్యుత్ సరఫరాకు అంతరాయం ఏర్పడటంతో వేలాది మంది పౌరులు అంధకారంలో మగ్గుతున్నారు. మరోవైపు అస్థిర గాలుల కారణంగా మంటలను ఆర్పడానికి అగ్నిమాపక సిబ్బంది తీవ్రంగా శ్రమిస్తున్నారు.
