నెల్లూరు: వెంకటగిరి పట్టణంలో మరోసారి గంజాయి పట్టుబడింది. కొత్త బస్టాండ్ వద్ద 18 కేజీల గంజాయి స్వాధీనం చేసుకున్నామని సీఐ ఏవీ రమణ వెల్లడించారు. చట్ట వ్యతిరేక కార్యక్రమాలకు ఎవరు పాల్పడినా శిక్షార్హులని తెలిపారు. ప్రజలందరూ చట్టాలను తెలుసుకుని మంచి మార్గాల్లో పయనించాలని సూచించారు. గంజాయి తరలిస్తున్న నేరస్తుడిపై కేసు నమోదు చేసి దర్యాప్తు చేస్తున్నారు.
