Man Brutally killed Young Woman : ప్రేమ పేరుతో జరిగే అఘాయిత్యాలను మనం రోజు రోజూ వింటూనే ఉంటున్నాం. ఇలాంటి అరాచక ఘటన ఒకటి ఏలూరులో చోటు చేసుకుంది. తన ప్రేమను ఒప్పుకోలేదని ఓ యువతిని ఓ యువకుడు కత్తితో పొడిచి పొడిచి చంపేశాడు. ఈ ఘటన ఏలూరులోని ఎమ్మార్సీ కాలనీలో చోటు చేసుకుంది. గత కొంత కాలంగా రత్న గ్రేస్‌ అనే యువతిని ఏసురత్నం అనే యువకుడు ప్రేమ( Love) పేరుతో వేదించసాగాడు. తనను ప్రేమించాలంటూ వెంట పడుతూ వచ్చాడు. ఈ క్రమంలో గురువారం మధ్యాహ్నం యువతి ఇంటి దగ్గరలో ఉంది. అప్పుడు ఆమె వద్దకు వచ్చిన ఏసు రత్నం తన ప్రేమను ఒప్పుకోవాలంటూ అడిగాడు. అందుకు ఆమె ససేమిరా అంగీకరించలేదు.
చదవండి : బాలయ్య పై ట్రోలింగ్.. కానీ అక్కడేం లేదు!
దీంతో కోపోద్రిక్తుడైన ఏసు రత్నం తన వెంట తెచ్చుకున్న కత్తిని బయటకు తీశాడు. ఆమె మెడపై పలు మార్లు కోసి గాయపరిచాడు. దీంతో గ్రేస్‌ అక్కడికక్కడే ప్రాణాలు విడిచింది. ఆ తర్వాత అదే కత్తితో ఏసురత్నం సైతం పొడుచుకుని ఆత్మ హత్యా యత్నం చేసుకున్నాడు. తర్వాత కొట్టుమిట్టాడుతున్న అతడిని పోలీసులు ఏలూరు ప్రభుత్వ ఆసుపత్రికి తరలించారు. దీంతో అతడికి చికిత్స అందిస్తున్నారు. అతడిని బతికించేందుకు వైద్యులు తీవ్రంగా శ్రమిస్తున్నారు.
చదవండి : ఇక ట్రంప్‌ పని అయిపోయినట్లేనా? 34 కేసుల్లో దోషిగా తేల్చిన కోర్టు
