YCP MLC Jayamangala Venkataramana got married for the third time at Kaikaluru Sub Registrar Office.
Jayamangala Venkataramana: వైసీపీ ఎమ్మెల్సీ జయమంగళ వెంకటరమణ(Jayamangala Venkataramana) మూడవ పెళ్లి చేసుకున్నారు. ఏలూరు రేంజ్ (Eluru) అటవీ శాఖలో సెక్షన్ అధికారిణిగా పనిచేస్తున్న సుజాతను మనువాడారు. కైకలూరు సబ్ రిజిస్ట్రార్‌ కార్యాలయంలో జయమంగళ రెండో భార్య సునీత, కుమారుడి సమక్షంలో ఈ వివాహం జరిగింది. వీరి పెళ్లికి సునీత సాక్షి సంతకం చేయడం విశేషం.
ఎమ్మెల్సీ జయమంగళ వెంకటరమణ మొదటి భార్య అనారోగ్యంతో చనిపోయారు. వారికి ఒక కుమార్తె. ఆ తర్వాత సునీతను వివాహం చేసుకోగా.. వారికి ఒక కుమార్తె, కుమారుడు ఉన్నారు. ఈ క్రమంలోనే వారిద్దరు విడిపోగా..ఎమ్మెల్సీ జయమంగళ వెంకటరమణ తాజాగా మూడో వివాహం చేసుకున్నారు. అయితే సుజాతకు ఇది రెండో వివాహం. ఆమెకు కూడా ఒక కుమారుడు ఉన్నాడు. సబ్ రిజిస్టర్ దుర్గారాణి వారికి వివాహ ధ్రువీకరణ పత్రాన్ని అందజేశారు. గతంలో కైకలూరు ఎమ్మెల్యేగా టీడీపీ(TDP) నుంచి గెలిచారు. 2019 ఎన్నికల్లో వైసీపీ అభ్యర్ధి దూలం నాగేశ్వరరావు చేతిలో జయమంగళ వెంకటరమణ ఓడిపోయారు. తరువాత వైసీపీలో చేరడంతో ఎమ్మెల్యే కోటా ఎమ్మెల్సీ ఎన్నికల్లో పోటీచేసి గెలిచారు. ఇప్పుడు వైసీపీ ఎమ్మెల్సీగా కొనసాగుతున్నారు.
చదవండి:Mandapalli Saneeswaralayam: శనీశ్వర ఆలయంలో ఆపచారం.. నూనెకు బదులు పెట్రోల్ పోసిన భక్తుడు
