Elur came from Thailand and bought hen for Rs. 3 lakhs.
Viral News: కోడిపందాల గురించి ప్రత్యేకంగా చెప్పాల్సిన పనిలేదు. పందెంలో గెలిచిన పుంజును కన్న బిడ్డలాగ చూసే ఆచారం ఇప్పటిది కాదు. అయితే అలా పందెం గెలిచిన పుంజును కొనడానికి థాయిలాండ్(Thailand) నుంచి కొందరు వ్యక్తులు వచ్చారు. కానీ ఆ యజమాని ససేమీరా అనడంతో ఇంకో పుంజును బేరం ఆడీ రూ.3 లక్షలకు కొనుక్కుని వెళ్లారు. ఈ సంఘటన ఏపీలోని ఏలూరు(Elur) జిల్లా లింగపాలెం మండలంలోని రంగాపుర గ్రామంలో చోటుచేసుకుంది. ఇదే గ్రామానికి చెందిన కూరాకుల రత్తయ్య కోళ్ల ఫారం నిర్వహిస్తున్నాడు. ఈ సంవత్సరం కోడిపందేల ఆటలో భోగి రోజున ఆయన తన పుంజుతో పశ్చిమ గోదావరి జిల్లా గణపవరంలో రూ. 27 లక్షల పందెం కాసి నెగ్గాడు. ఇందుకు సంబంధించిన వీడియో సోషల్ మీడియాలో(Social Media) వైరల్ అయింది.
చదవండి:BRO: బ్రో మూవీ డే1 కలెక్షన్స్
అది చూసిన థాయిలాండ్ కు చెందిన ఇద్దరు యువకులు, మరో ఇద్దరు యువతులు ఆ పుంజును కొనుక్కోవాలని భావించి ఏకంగా ఇండియాకు వచ్చేశారు. అలా జిల్లాకు వచ్చి వివరాలు తెలుసుకొని ఆ గ్రామానికి చేరుకుని రత్తయ్యను కలిశారు. ఆ కోడిపుంజు కావాలని ఏంతైనా చెల్లించడానికి సిద్ధంగా ఉన్నట్లు తెలిపారు. కానీ దాన్ని అమ్మేందుకు అతను నిరాకరించడంతో మరో కోడిపుంజును రూ.3 లక్షలకు కొనుగోలు చేశారు. పందెంలో గెలిచిన కోడితో ఫొటోలు దిగి సంతోషంగా వెళ్లారని రత్తయ్య వెల్లడించారు.
చదవండి:Bhadrachalam: వద్ద మూడో ప్రమాద హెచ్చరికలు జారీ
