కడప: జిల్లా నూతన కలెక్టర్గా బాధ్యతలు చేపట్టిన చెరుకూరి శ్రీధర్ను గురువారం రాయలసీమ విద్యార్థి సమాఖ్య రాష్ట్ర కార్యదర్శి మల్లేల జగదీష్ కలిశారు. ఈ సందర్భంగా జిల్లాలోని ఏపీ సోషల్ వెల్ఫేర్, కేజీబీవిల సమస్యలను పరిష్కరించాలని కలెక్టర్కు వినతిపత్రం అందజేశారు. రెండు రోజుల క్రితం కొండాపురం రెసిడెన్షియల్ పాఠశాలలో విద్యార్థినులు పాము కాటుకు గురైన ఘటన కలెక్టర్కు తెలియజేశారు.
