బాపట్ల: జిల్లా ఎస్పీ తుషార్ డూడీ ఆదేశాల మేరకు నేర నిరోధక చర్యల్లో భాగంగా చీరాల రూరల్ సీఐ శేషగిరిరావు, వేటపాలెం ఎస్సై వెంకటేశ్వర్లు శుక్రవారం రాత్రి కొనిజేటి చేనేతపురిలో పల్లె నిద్ర కార్యక్రమాన్ని నిర్వహించారు. ఈ సందర్భంగా వారు గ్రామస్తులతో సమావేశమై ప్రస్తుతం జరుగుతున్న నేరాల తీరు గురించి వివరించారు. సైబర్ నేరగాళ్ల ఉచ్చులో ఇరుక్కోవద్దని హితవు పలికారు.
