ఎప్పుడెప్పుడా అని ఎదురు చూస్తున్న సమయం రానే వచ్చేసింది. పుష్ప పార్ట్‌తో వన్‌తో సెన్సేషన్ క్రియేట్ చేసిన బన్నీ, సుకుమార్.. సెకండ్ పార్ట్‌తో ఎలాంటి వండర్స్ క్రియేట్ చేయబోతున్నారు.. ఎలాంటి రికార్డ్స్ బ్రేక్ చేయబోతున్నారు.. అసలు పుష్ప2 ఎలా ఉండబోతోంది.. అని ఆసక్తిగా ఎదురు చూస్తున్నారు మూవీ లవర్స్. ఆ అంచనాలకు ఏ మాత్రం తగ్గకుండా.. అంతకుమించి అనేలా వండర్స్ క్రియేట్ చేసేలా పుష్ప2ని తెరకెక్కిస్తున్నాడు సుకుమార్. తాజాగా ఏప్రిల్ 8న బన్నీ బర్త్ డే ఉండగా.. ఓ రోజు ముందే అదిరిపోయే గిఫ్ట్ ఇచ్చాడు ఐకాన్ స్టార్. ఏకంగా మూడు నిమిషాలకు పైగా పుష్ప2 వీడియోని రిలీజ్ చేశారు. తిరుపతి జైలు నుంచి ఎనిమిది బుల్లెట్ గాయాలతో తప్పించుకున్న పుష్ప.. అసలు బ్రతికే ఉన్నాడా.. అంటూ వీడియోని మొదలు పెట్టాడు. మీడియా ద్వారా పుష్పరాజ్‌కు నెక్స్ట్ లెవల్ ఎలివేషన్ ఇచ్చాడు సుకుమార్. పుష్ప ఏం చేసి డబ్బు సందపాదిస్తున్నాడో చెబుతున్నారు గానీ.. ఆ డబ్బుని ఏం చేస్తున్నాడో చెబుతున్నారా.. అంటూ పుష్ప సమాజానికి చేసిన మంచిని చూపించారు. ఇక పుష్పరాజ్ కోసం మద్దతు దారులు చేసిన ‘పుష్ప జిందాబాద్’ అల్లర్లు పీక్స్‌లో ఉన్నాయి. ఫైనల్‌గా అటవీ ప్రాంతంలో పులుల జాడ కోసం పెట్టిన నైట్ విజన్ కెమెరాల్లో పుష్పరాజ్ బ్రతికే ఉన్నాడని.. చెప్పేశాడు. అయితే పులితో బన్నీని చూపించే ఎలివేషన్ మాత్రం వేరే లెవల్లో ఉంది. అడవిలో జంతువులు రెండడుగులు వెనక్కి వేశాయంటే పులి వచ్చిందని అర్థం.. అదే పులే రెండడుగులు వెనక్కి వేసిందంటే.. పుష్పరాజ్ వచ్చాడని అర్థం.. అనే డైలాగ్‌తో పుష్పరాజ్ బ్రతికే ఉన్నాడని.. పీక్స్‌లో రివీల్ చేశాడు సుక్కు. ఫైనల్‌గా పుష్పగానీ రూల్.. అంటూ బన్నీ చెప్పే డైలాగ్ అదుర్స్. మొత్తంగా మూడు నిమిషాల వీడియోతో సాలిడ్ హైప్ క్రియేట్ చేశాడు సుకుమార్. దీంతో బన్నీ ఫ్యాన్స్ బర్త్ డే సెలబ్రేషన్స్‌ను ఓ రేంజ్‌లో జరుపుకుంటున్నారు. మరి పుష్ప2 ఎలాంటి వండర్స్ క్రియేట్ చేస్తుందో చూడాలి.
