ప్రస్తుతం సూరరై పొట్రు హిందీ రీమేక్‌లో బిజీగా ఉన్న స్టార్ డైరెక్టర్ సుధా కొంగర(Sudha Kongara)కు షూటింగ్లో భాగంగా ప్రమాదం జరిగింది. దీంతో తన ఎడమ చేయి ఫ్రాక్చర్ అయింది. ఈ మేరకు విషయన్ని ఆమె చేయికి గాయమైన చిత్రాన్ని పంచుకుంటూ ఇన్ స్టా ద్వారా వెల్లడించారు. ఈ నేపథ్యంలో వైద్యులు తనను నెల రోజుల పాటు విరామం తీసుకోమన్నట్లు పేర్కొన్నారు.
View this post on Instagram
సూరరై పొట్రు హిందీ రీమేక్‌లో అక్షయ్ కుమార్, రాధికా మదన్ నటిస్తున్నారు. వీరు సూర్య, అపర్ణ బాలమురళి పాత్రల్లో యాక్ట్ చేస్తున్నారు. ఒరిజినల్‌కి సంగీతం అందించిన జీవీ ప్రకాష్ ఈ చిత్రానికి సంగీతం అందించనున్నారు. ఈ సినిమాలో సూర్య అతిధి పాత్రలో కనిపించనున్నాడు.
తెలుగు చిత్రం ఆంధ్ర అందగాడు (2008)తో సుధా కొంగర దర్శకురాలిగా అరంగేట్రం చేసింది. ఆ తర్వాత గురు, ఆకాశమే నీ హద్దురా వంటి హిట్టు చిత్రాలకు దర్శకత్వం వహించింది. అంతేకాదు ఇటీవల 68వ జాతీయ చలనచిత్ర అవార్డులలో ఉత్తమ ఫీచర్ ఫిల్మ్, ఉత్తమ స్క్రీన్ ప్లేతో సహా ఐదు అవార్డులను గెలుచుకుంది.
చదవండి: మద్యం సేవించి భార్యను కొట్టిన మాజీ క్రికెటర్
