టీడీపీ జాతీయ ప్రధాన కార్యదర్శి నారా లోకేశ్ కుడిచేతికి స్వల్పంగా గాయం అయ్యింది. ‘యువగళం పాద్రయాత్ర’ను కొనసాగిస్తున్న వేళ ఈ ఘటన చోటుచేసుకుంది. అభిమానులకు అభివాదం చేస్తున్న సమయంలో ఓ వ్యక్తి లోకేశ్ చేతిని బలంగా నొక్కడంతో గాయమైనట్లు తెలుస్తోంది. చీలమండ నరంపై ఒత్తిడి పడడంతో స్వల్పంగా వాపు వచ్చిందని, ప్రస్తుతం ఆయన బాగానే ఉన్నారని టీడీపీ వర్గాల సమాచారం. యువగళం పాదయాత్ర పరవాడ మండలంలోకి ప్రవేశించిన సమయంలో ఈ ఘటన చోటుచేసుకుంది.
ఇది కూడా చూడండి: IND vs SA : తొలి వన్డేలో సౌతాఫ్రికాపై భారత్‌ ఘన విజయం
చేతికి గాయం అయినా కూడా నారా లోకేశ్ పాదయాత్రను యథావిథిగా కొనసాగించారు. గాయానికి ఐస్ ముక్కలతో మర్దన చేస్తూ ముందుకు వెళ్లారు. అయితే అభిమానులతో కరచాలనానికి ఎడమ చేతిని వాడారు. కాగా యువగళం పాదయాత్ర 225వ రోజు తోటాడ స్మార్ట్ సిటీ నుంచి ప్రారంభమైంది. భరణికం గ్రామం వద్ద పాదయాత్ర పెందుర్తి అసెంబ్లీ నియోజకవర్గంలోకి ప్రవేశించింది. ఈ సందర్భంగా టీడీపీ, జనసేన శ్రేణులు పెద్ద ఎత్తున నారా లోకేశ్‌కు స్వాగతం పలికారు.
ఇది కూడా చూడండి: Prabhas: ముంబైలో ప్రభాస్ క్రేజ్.. దేశంలోనే తొలిసారి అన్ని అడుగుల కటౌట్!
సిరసపల్లి, వెంకటాపురం, పరవాడ, గొర్లవానిపాలెం, చింతలగొర్లవానిపాలెం, జాజులవానిపాలెం, దేశపాత్రునిపాలెం, స్టీల్ ప్లాంట్ గేటు, సెక్టార్ -10 బస్టాప్, సెక్టార్ – 5 కాంప్లెక్స్ మీదుగా పాదయాత్ర సాగగా పరవాడ సంతబయలు వద్ద పంచగ్రామాల ప్రజలతో లోకేశ్ సమావేశమై పలు విషయాలపై చర్చించారు. ఎల్‌జీ పాలిమర్స్ బాధితులు, పరవాడ గ్రామ డ్వాక్రా మహిళలు, కాపు సామాజికవర్గీయులు, నిరుద్యోగులు వారి స‌మ‌స్య‌ల‌పై లోకేశ్‌కు విన‌తిప‌త్రాలు అందించారు. టీడీపీ ప్ర‌భుత్వం మూడు నెల‌ల్లో అధికారంలోకి వ‌స్తుంద‌ని, న్యాయ‌మైన వినతులను పరిశీలిస్తామని నారా లోకేశ్ వారికి హామీ ఇచ్చారు.
