Animal movie day 2 collection india crossed Rs 129 crore in two days
రణబీర్ కపూర్, రష్మిక మందన్న, అనిల్ కపూర్ నటించిన యానిమల్(animal) మూవీ రోజురోజుకు రికార్డులు సరికొత్త సృష్టిస్తోంది. మంచి హైప్ మధ్య విడుదల ఈ చిత్రం రెండు రోజుల్లోనే ఈ చిత్రం దేశవ్యాప్తంగా రూ.129.80 కోట్లు వసూలు చేసి రికార్డు సృష్టించింది. Sacnilk ఎంటర్‌టైన్‌మెంట్‌ నివేదికల ప్రకారం యానిమల్ బాక్సాఫీస్ వద్ద రెండవ రోజు మంచి ప్రదర్శన కనబరిచింది. భారతదేశంలో ఈ సినిమా రెండో రోజు నికరంగా రూ. 66 కోట్లు వసూలు చేసింది. మొదటిరోజు ఈ చిత్రం ఒక్క హిందీలోనే రూ.63.8 కోట్లు వసూలు చేయడం విశేషం.
మరోవైపు ఈ సినిమా కలెక్షన్లు ప్రపంచవ్యాప్తంగా చూసుకుంటే ఇంకా పెరిగే అవకాశం ఉందని ట్రేడ్ పండితులు చెబుతున్నారు. అయితే వరల్డ్ వైడ్ కలెక్షన్ల వివరాలు తెలియాల్సి ఉంది. ఈ ఫీట్‌తో యానిమల్ చిత్రం రణబీర్ కపూర్(ranbir kapoor)కు అతిపెద్ద ఓపెనింగ్ కలెక్షన్లు అందించిన చిత్రంగా అవతరించింది. సినీ విమర్శకుడు, ట్రేడ్ అనలిస్ట్ తరణ్ ఆదర్శ్ కూడా యానిమల్ తన కెరీర్‌లో రణబీర్ అతిపెద్ద ఓపెనర్ అవుతుందని చెప్పారు. తరణ్ తన పోస్ట్‌లో యానిమల్ పట్టణ ప్రాంతాలు, జాతీయ ప్రాంతాలతోపాటు టైర్ 1, టైర్ 2, టైర్ 3 కేంద్రాలలో కూడా అద్భుతంగా ఆడుతుందని పేర్కొన్నారు.
సందీప్ రెడ్డి వంగా(sandeep reddy vanga) దర్శకత్వం వహించిన యానిమల్ మూవీ డిసెంబర్ 1 ప్రపంచవ్యాప్తంగా థియేటర్లలో విడుదలైంది. PAN ఇండియా స్థాయిలో ఐదు భాషలలో విడుదలైన ఈ చిత్రం కొన్ని చోట్ల పాజిటివ్ టాక్ దక్కించుకోగా..మరికొన్ని చోట్ల మిశ్రమంగా టాక్ తెచ్చుకుంది. ఇక టి సిరీస్, భద్రకాళి పిక్చర్స్ సినీ1 స్టూడియోస్ ద్వారా నిర్మించిన ఈ చిత్రంలో అనిల్ కపూర్, రష్మిక మందన్న, బాబీ డియోల్, త్రిప్తి డిమ్రీ వంటి పలువురు కీలక పాత్రల్లో యాక్ట్ చేశారు.
ఇది కూడా చూడండి: Animal: ఆ విషయంలో రాజమౌళిని మించిపోతున్న సందీప్ రెడ్డి వంగా..!
