Ranbir Kapoor to join Balakrishna’s Unstoppable
నందమూరి బాలకృష్ణ(Balakrishna) ఓ వైపు సినిమాలతో బ్లాక్ బస్టర్ హిట్లు అందుకుంటున్నాడు. మరోవైపు అన్ స్టాపబుల్ షోని సూపర్ హోస్ట్ చేస్తున్నాడు. ఇప్పటికే అన్ స్టాపబుల్ రెండు సీజన్లు సూపర్ హిట్ అయ్యాయి. ఇప్పుడు మూడో సీజన్ నడుస్తోంది. మూడో సీజన్ ని తన సినిమా భగవంత్ కేసరితోనే మొదలుపెట్టాడు. కాగా ఇప్పడు ఈ షోలో ఓ బాలీవుడ్ హీరో సందడి చేయనున్నాడని తెలుస్తోంది. రణబీర్, రష్మిక జంటగా నటిస్తున్న తాజా చిత్రం యానిమల్. ఈ మూవీ త్వరలోనే ప్రేక్షకుల ముందుకు రానుంది. ఈ నేపథ్యంలో ఆయన ఈ మూవీ ప్రమోషన్స్ లో భాగంగా అన్ స్టాపబుల్ కి రానున్నారని ప్రచారం జరుగుతోంది.
రణబీర్ యానిమల్ సినిమా డిసెంబర్ 1న విడుదల కానుంది. ఈ సినిమా ప్రమోషన్ కోసం టీమ్ అన్ స్టాపబుల్(Unstoppable) టాక్ షోకి వస్తోందని తెలిసింది. ఈ షోలో రణబీర్ కపూర్, రష్మిక, సందీప్ వంగా గెస్ట్‌లుగా కనిపిస్తారని సమాచారం. సందీప్ వంగా, రష్మికకు ఇక్కడ మంచి క్రేజ్, మార్కెట్ ఉంది. కాబట్టి ఈ సినిమా నిర్మాతలు తెలుగుపై పెద్ద ఆశలు పెట్టుకున్నారు. ఏస్ ప్రొడ్యూస్ దిల్ రాజు ఈ చిత్రాన్ని తెలుగు రాష్ట్రాల్లో విడుదల చేస్తున్నారు.
అన్ స్టాపబుల్ కి రణబీర్(Ranbir Kapoor) వస్తున్నాడని ప్రచారం అయితే జరుగుతోంది. కానీ ఇప్పటి వరకు అయితే దీనిపై అధికారిక ప్రకటన మాత్రం రాలేదు. అయితే రావడం మాత్రం కన్ఫామ్ అని తెలుస్తోంది. యానిమల్ చిత్రాన్ని మొదట ఆగస్టులో విడుదల చేయాలని నిర్ణయించారు. అయినప్పటికీ డబ్బింగ్ వెర్షన్లు, పాటల నాణ్యతపై సందీప్ రెడ్డి వంగా ఆందోళన చెందడంతో చివరి నిమిషంలో ఇది వాయిదా పడింది. గ్యాంగ్‌స్టర్ యాక్షన్ డ్రామాలో అనిల్ కపూర్ , బాబీ డియోల్ ఇతర ముఖ్యమైన పాత్రలు పోషిస్తున్నారు. రీసెంట్ గా ట్రైలర్ విడుదల చేయగా అది అందరినీ విపరీతంగా ఆకట్టుకుంది. మరి ఈ సినిమా ఎంత వరకు ఆకట్టుకుంటుందో చూడాలి మరి.
ఇది కూడా చూడండి: Payal Ghosh: షమీతో పెళ్లికి రెడీ అంటున్న బాలీవుడ్ హీరోయిన్
