Suriya Kanguva Final Schedule Commenced In Thailand
Suriya Kanguva: సాలిడ్ హిట్ కొట్టాలని ఎదురుచూస్తోన్న సూర్య డిఫరెంట్ జోనర్లను ట్రై చేస్తున్నాడు. సూరరై పొట్రు, జై భీం OTTలో విడుదలై మంచి పేరు పొందాయి. సూరరై పొట్రు జాతీయ అవార్డులను గెలుచుకుంది. ఎతర్కుమ్ తునింధవన్ మిశ్రమ స్పందనతో థియేటర్లలో విడుదలైంది. భారీ బడ్జెట్‌తో పాన్-ఇండియా చిత్రం కంగువ విడుదల కోసం ఎదురుచూస్తున్నాడు.
చదవండి: Prabhas: ప్రభాస్‌ను కలిసిన అనుష్క తండ్రి
పీరియాడికల్ యాక్షన్ డ్రామా “కంగువ” విడుదల కోసం చాలా ఆసక్తిగా ఎదురుచూస్తున్న చిత్రాలలో ఒకటి. ప్రత్యేకంగా చిత్రీకరించిన యాక్షన్‌తో కూడిన టీజర్‌పై ఇప్పటికే అభిమానుల్లో ట్రేడ్‌ వర్గాల్లో అంచనాలు నెలకొన్నాయి. “కంగువ” 2024 ఏప్రిల్‌లో 10 భాషల్లో విడుదల కానుంది. 2D, 3D ఫార్మాట్‌లో అందుబాటులో ఉంటుంది. వేదాళం, విశ్వాసం వంటి మాస్ ఎంటర్‌టైనర్ చిత్రాలతో మంచి గుర్తింపు తెచ్చుకున్న శివ ఈ మూవీకి దర్శకత్వం వహిస్తున్నారు.
సినిమా చివరి షెడ్యూల్ చిత్రీకరణను ప్రారంభించింది. ఈ రోజు నుంచి థాయ్‌లాండ్‌లో ప్రారంభమయ్యే చివరి షెడ్యూల్‌లో కీలక సన్నివేశాలను చిత్రీకరించనున్నారు. థాయ్‌లాండ్‌లో గల దట్టమైన అడవుల్లో మూడు వారాల పాటు షూటింగ్‌ ప్రారంభించేందుకు సూర్య, సిబ్బంది బ్యాంకాక్‌కి చేరుకున్నారు. షెడ్యూల్ లాఖరు లేదా నవంబర్ 1వ వారం వరకు కొనసాగుతుంది
థాయ్‌లాండ్‌లో జరిగిన సినిమాటోగ్రాఫర్ వెట్రీ పుట్టినరోజు వేడుకల చిత్రాలు కూడా చక్కర్లు కొడుతున్నాయి. థాయ్‌లాండ్ షెడ్యూల్ తర్వాత “కంగువ” బృందం కొన్ని చిన్న ప్యాచ్‌వర్క్‌ల కోసం చెన్నైకి తిరిగి రానుంది. నవంబర్ నాటికి షూటింగ్‌ మొత్తం పూర్తవుతుంది. ఈ చిత్రంలో సూర్య బహుళ పాత్రలు పోషించినట్లు తెలుస్తోంది, కంగువలో జగపతి బాబు, యోగి బాబుతోపాటు బాలీవుడ్ నటులు దిశా పటాని, బాబీ డియోల్ కూడా నటించారు. శివ దర్శకత్వం వహించిన ఈ చిత్రానికి దేవి శ్రీ ప్రసాద్ సంగీతం అందించారు.
