Bathini Harinath Goud died who distributed fish prasadam
బత్తిని సోదరుల్లో ఒకరైన బత్తిని హరినాథ్ గౌడ్(Bathini Harinath Goud) గత కొంతకాలంగా అనారోగ్యంతో బాధపడుతూ హైదరాబాద్ కవాడిగూడలోని తన నివాసంలో బుధవారం రాత్రి మృతి చెందారు. అతని వయసు 84. ఆస్తమా, దగ్గు వంటి శ్వాసకోశ వ్యాధులతో అతను అనారోగ్యం బారిన పడినట్లు అతని కుటుంబ సభ్యులు తెలిపారు. అయితే ప్రతి సంవత్సరం లక్షలాది మందికి బత్తిని కుటుంబం చేప ప్రసాదం అందజేస్తుంది.
కోవిడ్-19 మహమ్మారి కారణంగా మూడేళ్ల విరామం తర్వాత ఈ ఏడాది జూన్‌లో వీరి కుటుంబ సభ్యులు చేపల ప్రసాదం(fish prasadam) అందించారు. ఈ కార్యక్రమంలో హరినాథ్ గౌడ్ వీల్ చైర్ లో కనిపించారు. జూన్ 9,10 తేదీల్లో జరిగిన ఈ కార్యక్రమానికి వేలాది మంది హైదరాబాద్‌లోని నాంపల్లి గ్రౌండ్స్‌కు తరలివచ్చారు. వీరి కుటుంబం గత 175 సంవత్సరాలుగా దీనిని ఉచితంగా నిర్వహిస్తున్నారు. 1845లో ఒక సాధువు తమకు ఈ సూత్రాన్ని అందించారని వారు పేర్కొన్నారు. అయితే శ్వాసకోశ సమస్యల నుంచి ఉపశమనం పొందాలనే ఆశతో చాలా మంది వీరి వద్దకు వెళతారు. ఇక గౌడ్‌కు ఇద్దరు కుమారులు, ఇద్దరు కుమార్తెలు ఉన్నారు. పెద్ద కొడుకు ఆస్ట్రేలియాలో స్థిరపడ్డాడు. రేపు అతని అంత్యక్రియలు నిర్వహించనున్నట్లు కుటుంబ సభ్యులు తెలిపారు.
ఇది కూడా చూడండి: Viral News: భార్యను ఏం అనలేక పబ్లిక్‌పై కాల్పులు..ఐదుగురు మృతి
